Тазалық – табалдырықтан, ал игі іс – өнегеден басталады. Сенбі күні Жамбыл облысында «Таза Қазақстан» экологиялық акциясы аясында ауқымды сенбілік өтіп, өңір бойынша 9 мыңнан астам ағаш көшеті егілді. Мемлекет басшысының бастамасымен қолға алынған бұл шараға мыңдаған тұрғын қатысты. Облыс әкімі Ербол Қарашөкеев те қаланың жаңа аллеясына ағаш отырғызып, бұл іске өзі тікелей атсалысты.