Жамбыл облысында алғаш рет медицина мамандарын даярлайтын жоғары оқу орны ашылмақ. Тараз қаласында Сейтхан Жошыбаев атындағы Халықаралық медицина академиясын құру жобасы қолға алынған. Бүгінде өңірде халық саны 1 миллионнан асқанымен, жеке медициналық жоғары оқу орны жоқ. Жаңа академия осы олқылықтың орнын толтырып, аймаққа қажетті дәрігерлерді даярлауға мүмкіндік береді. Жоба толықтай жеке инвестиция есебінен жүзеге асырылып жатыр.