Жеке кәсіпкер Данияр Қалымбетов Түркістан облысындағы мектеп асханаларын қайта жаңғыртып, білім ордасының оқушыларына қуаныш сыйлап келеді. Бұған дейін Кентау, Қазығұрт, Түлкібас, Жетісай аудандарындағы мектеп асханаларын 67 млн теңгеге жуық қайтарымсыз инвестициямен заман талабына сай жөндеуден өткізген кәсіпкер Келес, Сарыағаш өңіріндегі мектептерге де оңтайлы жағдай жасады.
Түркістанда Жастар орталығының ұйымдастыруымен мектеп оқушылары арасында қолөнер жәрмеңкесі өтті. Шара барысында жас шеберлер өз туындыларын көпшілікке ұсынып, ұлттық өнерге деген сүйіспеншіліктерін танытты. Көрме-жәрмеңке қатысушыларға ерекше шабыт пен көтеріңкі көңіл күй сыйлады.
Бүгін Түркістан қаласының әкімдігі аналар мерейін асырып, алтын құрсақты аналарды марапаттады. Шарада ел игілігі үшін ұрпақ тәрбиелеп отырған ардақты жандарға ерекше құрмет көрсетілді.
Бүгін Кентау қаласында Қазақстан халқы Ассамблеясының 30 жылдығы және Кентау қаласының 70 жылдығы аясында «Бірлік пен татулық – ел болашағы» атты кең ауқымды мерекелік іс-шара ұйымдастырылды.
Кентау қалалық музейі – бұл шаһардың өткенін бүгінмен жалғап тұрған рухани орда. Мұнда күн сайын түрлі буын өкілдері, қала тұрғындары мен қонақтары келіп, тарихтың тереңіне бойлайды.Бұл музей тек жәдігерлер қоймасы ғана емес, сонымен қатар жас ұрпақты отансүйгіштікке тәрбиелейтін, ел тарихын танытатын білім мен руханият орталығы болып отыр.
Қала әкімінің орынбасарының қатысуымен өткен рейд барысында өрт қауіпсіздігін сақтау шаралары пысықталды. Мамандар тұрғындарды тұрмыстық құралдарды пайдалану кезінде сақ болуға және төтенше жағдайдың алдын алуға шақырды.
Түркістан мен Самарқанд облыстары туризмді бірлесе дамыту туралы меморандумға қол қойды. Келісім Түркістан облысының әкімі Нұралхан Көшеровтің Өзбекстанға жасаған жұмыс сапары аясында жүзеге асты. Бұл құжат екі өңір арасындағы тарихи, мәдени және экономикалық байланысты жаңа деңгейге көтеруге бағытталған.
Түркістан облысының әкімі Нұралхан Көшеров бастаған өңірлік делегацияның Өзбекстан Республикасына жұмыс сапары жалғасып жатыр. Сапардың мақсаты – туризм және өзге де салалар бойынша әріптестік орнату, тәжірибе алмасу. Делегация Хорезм облысында келіссөздер жүргізіп, Хиуа қаласындағы тарихи нысандарды аралады.
Созақ даласында көп жылдан бері ұмыт қалған Түйе бәйгесі қайта жанданды. Дәстүрлі шара ел бірлігі мен рухын айшықтап, ұлттық салттың сабақтастығын көрсетті.
«Самғау» оңалту орталығының тәжірибелі қызметкері Мұхамедәли Сәбитұлы Құралбек – өмір сынағына мойымай, қайсарлықтың, табандылықтың және адал еңбектің айқын үлгісін көрсетіп жүрген жан. Көру қабілетінен айырылу – кез келген адам үшін үлкен сынақ. Алайда Мұхамедәли мырза бұл қиындыққа берілмей, өз жолын таба білді. Ол «Самғау» орталығында кәсіби массаж маманы ретінде қызмет етіп, көптеген адамның денсаулығын қалпына келтіруге, өмірге деген сенімін арттыруға көмектесіп келеді.
