Автор admin 
Қазақстанда күніне жол апатынан 10 адам қайтыс болады. Санайғаққа салсақ осы. Ал, жылына аталған себептен шамалап алғанда бүтін бір ауылдың жұрты жер жастанады. Қорқынышты, иә. Бұл табиғаттың таразылап берген тәртібін бұзудың салдары деп есептесек болады. Бірақ, 2016 жылы қабылданған ІІМ-нің бұйрығы да бұған әсер етіп отыр екен. Себебі электронды автодром қазір теміртұлпар тізгіндегендерді табытқа кіргізсе, әлдебіреулерді табысқа кенелтеді. Жүргізушілер одағы облыстық кеңесінің басшысы Атамекен ұлттық кәсіпкерлер палатасында өткен көлік және логистика саласы бойынша өткен жиында осылай деді.