Түркістан қаласында спорт мерекесіне айналған ерекше дода ұйымдастырылды. Балалар мен жасөспірімдер арасында таэквондодан ашық турнир «Бекзат Саттарханов атындағы спорт кешенінде» өтті. Бұл жарыс жас буынның спортқа деген қызығушылығын арттырып қана қоймай, Түркістан қаласының мәртебесін көтеруге бағытталды. Толығырақ – алдағы материалда.
Түркістан қаласында Дүниежүзілік тазалық күні аясында жалпықалалық сенбілік ұйымдастырылды. Аталған іс-шара қоршаған ортаны қорғау және тазалықты сақтау мақсатында еліміз бойынша өткізіліп жатқан игі бастамалардың бір бөлігі ретінде қолға алынды.
Түркістан қаласындағы №28 мектеп-лицейінде жас мамандардың алғашқы еңбек қадамдарына ерекше көңіл бөлінуде. Мұнда жас ұстаздардың кәсіби дамуына барлық жағдай жасалып отыр. Қалиева Айкерім қазақ тілі мен әдебиет пәнінің мұғалімі ретінде еңбек жолын осы білім ошағында бастаған. Айтуынша, ұстаз болу бала кезден бергі арман еді.
Түркістан қаласында инклюзивті балаларды қолдау және білім беру ісіне ерекше көңіл бөлінуде. Мектептерде арнайы кабинеттер ашылып, балалардың толыққанды дамуына жағдай жасалуда. Мұнда ойын арқылы оқыту, дене қимылын жетілдіру және психологиялық қолдау әдістері қарастырылған. Жаңа кабинеттер заманауи жабдықтармен қамтамасыз етіліп, білікті мамандар жұмыс атқаруда.
Түркістан облысында білім саласының үздік өкілдері анықталды. «Үздік педагог» байқауы өңірде жыл сайын өткізіліп, ұстаздардың кәсіби деңгейін айқындайтын маңызды додаға айналған. Биылғы сайыста Техникалық және кәсіптік білім беру ұйымдарының арасынан оза шапқан — Түркістан жоғары көпсалалы қолөнер колледжінің арнайы пәндер бойынша оқытушысы Есенбаева Тұрсынай болды.
Түркістан қаласындағы Некрасов атындағы жалпы білім беретін мектеп жаңа кейіпке енді. Күрделі жөндеуден өткен білім ордасы бүгінгі күнде заманауи талаптарға толық сай келеді. Мектептің сыртқы келбеті ғана емес, ішкі инфрақұрылымы да түбегейлі жаңарған. Әрбір сынып кабинеті жарық әрі кең болып, оқушылардың сапалы білім алуына ыңғайластырылған. Жаңарған спорт залдары, асхана және түрлі үйірмелер балалардың жан-жақты дамуына үлкен мүмкіндік беруде.
Түркістан облысында Әдеп жөніндегі кеңестің кезекті отырысы өтті. Жиында мемлекеттік қызметшілердің Әдеп кодексін сақтауы, сыбайлас жемқорлықтың алдын алу және қызмет көрсету сапасы талқыланды. Кеңесте бірқатар басшылардың есептері тыңдалып, мемлекеттік қызметшілердің жауапкершілігін арттыруға бағытталған тапсырмалар берілді.
Бүгін Түркістан қаласының әкімі Әзімбек Пазылбекұлы Алматы қаласында өткен «GOLDEN GRACE 60+» Халықаралық би фестивалінен абыроймен оралған «Тұран» би тобының мүшелерін қабылдады.
Түркістан қаласындағы жалпы білім беретін мектептерде ерекше іс-шара ұйымдастырылды. Бастауыш сынып оқушыларына арналған бұл шара кітапханамен жақынырақ таныстыруға бағытталды. Балаларға кітап пен кітапхана ұғымының маңызы түсіндіріліп, қызығушылықтарын арттыру көзделді. Іс-шара барысында жас оқырмандар қазақ жазушыларының өлеңдерін жатқа айтып, өз қабілеттерін көрсетті.
Түркістан қаласындағы жалпы білім беретін мектептерде цифрландыруға ерекше көңіл бөлініп отыр. Бүгінде білім ордалары заманауи технологиялармен жабдықталып, оқушылардың ақпараттық сауаттылығын арттыру көзделуде. Арнайы компьютерлік кабинеттер ашылып, сыныптарға интерактивті тақталар орнатылған. Сонымен бірге жасанды интеллект негіздері мен цифрлық бағдарламалар оқыту процесіне енгізілуде.
