Түркістан қаласында жол қозғалысы қауіпсіздігін қамтамасыз ету, жол-көлік оқиғаларының алдын алу және жүргізушілердің көліктік тәртіп мәдениетін арттыру мақсатында «Қауіпсіз жол» республикалық жедел профилактикалық іс-шарасы бастау алды. Аталған іс-шара аясында полиция қызметкерлері қала аумағындағы көлік қозғалысын жіті қадағалап, жол қозғалысы ережелерін бұзу фактілерін анықтауға, сондай-ақ азаматтардың құқықтық сауаттылығын арттыруға бағытталған жұмыстар жүргізуде.
Түркістан қаласында «Түркістан – Ұлы Жібек жолындағы халықаралық ынтымақтастық орталығы» тақырыбында жергілікті өзін-өзі басқару органдарының ІІ ынтымақтастық форумы өтуде. Өткен жылы алғашқы форум Корея Республикасында ұйымдастырылған еді. Бүгінгі кездесу тәжірибе алмасуға және нақты шешімдер қабылдауға жол ашып отыр.
Түркістан қаласында жұмысшы мамандықтар жылына орай оқушыларға арналған арнайы шара ұйымдастырылды. Жастар ресурстық орталығының бастамасымен өткен жиынға 34 мектептен 130-ға жуық оқушы қатысты.
Түркістан қаласындағы «Оқушылар сарайы» – ЮНЕСКО клубында Отбасы күніне арналған «Отбасы – бақыт мекені» атты шығармашылық кеш өтті. Шараның басты мақсаты – отбасы құндылықтарын дәріптеу, ата-ана мен бала арасындағы сыйластықты, ұлттық тәрбие мен рухани бірлікті ұлықтау. Кешке ұстаздар, ата-аналар, оқушылар және қоғам белсенділері қатысып, отбасылық құндылықтарды насихаттауға арналған түрлі өнер туындылары ұсынылды.
Түркістан облыстық Ыбырай Алтынсарин атындағы балалар кітапханасында ерекше әдеби кеш өтті. Мұнда түрік жазушысы Фатма Гүнердің «Достардың махаббаты» атты балаларға арналған кітабының тұсаукесері ұйымдастырылды. Туындыны қазақ тіліне «Сарасез» журналының редакторы Гүлжаз Қарыбек аударған. Бұл шара балалар әдебиетін насихаттап, жас оқырмандарды түрік әлемімен жақынырақ таныстыруды мақсат етті.
Түркістан облысында Мемлекет басшысының Жолдауынан туындайтын міндеттерді орындау мәселесі талқыланды. Кеңесті облыс әкімі Нұралхан Көшеров төрағалық етті. Жиынға аудан, қала әкімдері, басқарма басшылары, құқық қорғау органдары және қоғам өкілдері қатысты.
Түркістанда тұрмыстық зорлық-зомбылықтың алдын алу және оған ведомствоаралық деңгейде ден қою жүйесін жетілдіруге арналған семинар-тренинг өтті. Шараға отбасылық қолдау орталықтарының басшылары мен сала мамандары қатысты. Жиында зорлық-зомбылықтан зардап шеккен отбасыларға көрсетілетін қызмет стандарттары талқыланып, агрессорлармен жұмыс жүргізудің жаңа әдістері таныстырылды.
Түркістанда Мемлекет басшысының «Жасанды интеллект дәуіріндегі Қазақстан» атты Жолдауында көтерілген бастамаларды жүзеге асыру жолдары талқыланды. Бұл мақсатта «AMANAT» партиясының облыстық филиалы жанындағы «MIRAS» кеңесінің кезекті отырысы өтті. Жиынға зиялы қауым өкілдері, мәслихат депутаттары мен сала мамандары қатысты.
Отбасылық құндылықтарды сақтау, ана мен бала құқықтарын қорғау және тұрмыстық зорлық-зомбылықтың алдын алу мәселелері мемлекет назарында. Осы бағыттағы шаралар елдің түкпір-түкпірінде ұйымдастырылып жатыр. Түркістан облысында да республикалық «Бақытты отбасы – бақытты ел» акциясы бастау алып, түрлі іс-шаралар өткізілуде.
Түркістан облысында қоршаған ортаны қорғау бағытында кешенді жұмыстар жалғасып жатыр. Жылдың бірінші жартыжылдығында заңсыз қоқыс орындарын жою, табиғат пайдаланушыларға бақылау жасау және экологиялық мәдениетті арттыру бойынша ауқымды шаралар атқарылды.
