Төтенше жағдай департаментінің қызметкерлері жарады. Өрт сөндірушілер Қызылорда қаласындағы әлеуметтік осал топтағы жандарға тегін мұржаларын тазартып, датчиктер орнатып берді. Мұнын барлығы жаңа жылу маусымда көмір қышқыл газынан улану жайттарын болдырмау мақсатында жасалып отыр. Су жаңа датчиктер арқылы тұрғындар өрттің бастау алғанын сезіп, дер кезінде әрекет ете алады.
Инновациялар, тұрақтылық және болашақ! Қызылорда қаласында осы тақырыптарда интеллектуалды агрохакатон өтті. Іс-шара тұрақты даму, жасанды интеллект және автоматтандыру мәселелеріне арналып отыр. «Ауыл» партиясы мен «Acapedia» компаниясы бірлесіп ұйымдастырған марафон мектеп оқушылары, колледж және жоғарғы оқу орындарын біріктірді. Айта кетейік бұл шара еліміздің барлық өңірлерінде бір мезетте өтіп жатыр.
Қызылорда қаласының сол жағалауында заманауи үстел теннисі орталығы өз есігін айқара ашты. Жобаның іргетасы 2024 жылдың наурыз айында қаланып, облыстық бюджеттен 2,5 млрд теңге қарастырылды. Сонымен қатар, «Самрұқ-Қазына» әлеуметтік жобаларды дамыту қоры 900 млн теңге көлемінде қосымша қаржыландырды. Бас мердігер – «Дәнекер» ЖШС.
Қызылордада соңғы жылдары өндіріс саласы қарқын алып келеді. Соның бір айғағы – жергілікті ұсталардың қолынан шыққан “Сыр жиһазы” фабрикасының өнімдері. Ішкі нарықта сұранысқа ие отандық жиһаз түрлері бүгінде нарықтағы үздік тауар.
Дәрігерлердің кәсіби біліктілігін арттыру мақсатында шеберлік сағаты ұйымдастырылды. Астана қаласындағы Ұлттық медицина орталығының мамандары Қызылорданың ақ халаттыларына аутоиммундық, қабыну ауруларын диагностикалау мен емдеудің заманауи әдістерін паш етті. Жоғарғы санаттағы дәрігерлердің кеңесін тыңдауға тек қаладан емес аудан-ауылдардан медицина саласының қызметкерлері келді.
Тәтті тоқаштар мен сан түрлі тамақтар! Бұл мейрамхана емес Қызылорда қаласындағы қарапайым мектептердің ас мәзірі. Білім беру ұйымдарында жаңа тамақтану стандарты енгізілді. Оған сәйкес 2025 жылғы 1 қыркүйектен бастап Қазақстандағы барлық балабақша мен мектепте және колледждерде заманауи халықаралық салауатты тамақтану қағидаттарына негізделген. Жаңа үлгі Денсаулық сақтау, Оқу-ағарту министрлігі, Қазақ тағамтану академиясы, сондай-ақ халықаралық ұйымдар – ЮНИСЕФ және Дүниежүзілік денсаулық сақтау ұйымдарымен бірлесіп әзірленді.
Қызылордадағы физика-математика бағытындағы «Білім-инновация» лицей-интернаты өз жұмысын бастағанына екі ай болды. Елдің әр өңірінен іріктелген ең дарынды оқушылар бүгінгі таңда терең білім алып, ғылым мен технология саласына алғашқы қадамдарын жасап келеді.
TurkicSkills-2025 чемпионаты өз мәресіне жетті. Ақтау қаласында өткен халықаралық додаға елімізден бөлек Түркия, Әзербайджан, Мажарстан, Өзбекстан және Қызрғызстаннан 100-ге жуық студенттер мен жас мамандар қатысты. Қазақстан қүрамасы осы жарыста 6 алтын алды. Олардың бірі қызылордалық — Жансая Абдуллаева. Түркітілдес елдер арасында үздік атанып, алтын таққан жас маманды воказалдан жора-жолдастары мен әріптестері күтіп алды.
Қызылорданың Өнер орталығында әнші композитор Елена Әбдіхалықованың шығармашылық кеші өтті. “Сағыныш ғұмыр” атты шығармашылық кешке аймақ басшысы қатысып, қонақ болды.
КТМ: Концертте Елена Әбдіхалықова белгілі әнші Жұбаныш Жексенұлымен бірге симфония оркестрінің сүйемелдеуімен «Біргемін мен сендермен», «Есіңе мені алғайсың», тағы басқа танымал әндерін орындады.
В Центре искусств города Кызылорды прошел творческий вечер певицы и композитора Елены Абдихалыковой. Глава региона принял участие и был гостем на творческом вечере под названием «Сағыныш ғұмыр» .
