Қызылорда медицина колледжінде денсаулық сақтау ісінің үздіктерін еске алуға арналған спорттық турнир өтті. Медицина саласына өлшеусіз үлес қосқан Тынымқұлов Еркін Ерболатұлы мен Ізбасаров Жақсыбай Ізбасарұлын ұлықтауға 9 колледжен студенттер келді. Олар спорттың шағын футбол, волейбол және шахматтан түрлерінен өзара сайысқа түсті. Шараға Қызылорда облыстық денсаулық сақтау басқармасы, дене тәрбиесі және спорт басқармасы, медицина ардагерлері, ұстаздар, студенттер мен ардагер дәрігерлердің әулеті қатысты.
Кәсіпкерлік жол — табандылық пен жауапкершілікті талап етеді. Ал оны заман талабына сай дамытып келе жатқан кәсіпкер әйелдер — нағыз еңбекқорлықтың үлгісі. Қызылордалық кәсіпкер Венера Нартайқызы осыдан 20 жыл бұрын кәсіппен айналысып бастаған. Кәсіпкерліктің сара жолында жүрген нәзік жанды жарнама бизнесін ашып, бүгінде өңірдегі беделді агенттік деңгейіне көтерген.
Оқушылар сарайы — бала өрбіту мен практикалық білімнің тоғысқан ошағы. Қазір мұнда 700-ден аса бала оқып, қосымша білім алуда. Үйірмелер үш басты бағытқа бөлінеді: техникалық шығармашылық бөлімі, көркем-эстетикалық өнер бөлімі және жаратылыстану бөлімі.
Қызылорда облысында кенеге қарсы залалсыздандыру жұмыстары толық аяқталды. Зиянкес жәндікке қарсы дәрілеу шаралары қолайсыз елді мекендердегі буферлік пен санитарлық қорғаныс аймақтарын қамтыды. Айта кетейік, өңірде барлығы 111 елді мекен қолайсыз деп есепке алынған. СЭС мамандары адамдарға күзгі мезгілде де кенеден абай болуға шақырады. Себебі зиянкестертерден салқын күндері де қауіп бар екен. Сақтану шаралары қандай? Тілшіміз анықтап көрді.
Жастардың құқықтық сауаттылығын арттыру – мемлекет пен қоғамның тұрақты дамуының маңызды тетігі. Осы орайда, Қызылорда облыстық жастар ресурстық орталығының ұйымдастыруымен «Заң мен тәртіп» атты ақпараттық-түсіндірме кездесуі өткізілді.
Қызылордада түркі халықтарының рухани бірлігін дәріптейтін айтулы мәдени шара – халықаралық «Қорқыт және Ұлы Дала сазы» фольклорлық-музыкалық өнер фестивалі өтуде. Биыл жетінші мәрте ұйымдастырылып отырған фестиваль Қызылорданың астана болғанына 100 жыл толуына орайластырылған.
Соңғы жылдары біздің облыс білім беру инфрақұрылымын жүйелі түрде жетілдіруге баса назар аударуда. Мысалы, өткен жылы 13 жаңа білім беру ғимараты пайдалануға берілді. «Жайлы мектеп» ұлттық жобасы аясында 10 мектеп салу жоспарланып, бүгінгі күні 3 000 орындық 6 мектеп ашылды, ал қалғандары да жыл соңына дейін пайдалануға беріледі. Сонымен қатар, физика-математика мектеп-интернаты, облыстық музыкалық колледждің жаңа ғимараты және оқушылар сарайлары мен өнер мектептері салынып жатыр.
24 жылдық тарихы бар Қызылорда қаласындағы “Абылай хан” атындағы жоғары колледжі – өңірдегі көпсалалы білім беретін іргелі оқу орындарының бірі. Колледж құрылған күннен бастап техникалық және кәсіптік білім жүйесінде өзіндік орнын қалыптастырып, түрлі салаларға білікті мамандар даярлап келеді. Солардың бірі Қызылордалық жас маман Алматбек Амангелдиев – “Абылай хан” атындағы жоғары колледжінің үздік түлектерінің бірі.
Жедел респираторлы вирусты инфекцияға шалдыққандар азайып келеді. Қызылордада эпидемиологиялық маусым басталғалы бері инфекцияға 8807 адам шалдыққан. СЭС мамандарының пайымынша өткен жылмен салыстырғанда аурушаңдық көрсеткіші 37,8 пайызға төмендеген. Барлық емханаларда халықты тұмаудан қорғаудың жалғыз және тиімді әдісі ретінде тұмауға қарсы вакцинациялау жүріп жатыр. Екпе жұмыстары кімдерге тегін көрсетіледі? Келесі сюжеттен көрейік.
Мемлекет басшысы Қасым-Жомарт Кемелұлы Тоқаев «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында «Су мәселесін шешу – әлеуметтік тұрақтылықты сақтап, экономиканы дамытудың кепілі. Бұл – ұлттық қауіпсіздікті қамтамасыз ететін басты фактордың бірі», – деп атап өткен болатын. Осыған орай бүгін Исатай Әбдікәрімов атындағы Қызылорда политехникалық жоғары колледжінің оқу базасында студенттермен «Су ресурстарын тиімді пайдалану және қорғау» тақырыбында кездесу ұйымдастырылды.
