Қазақстан – түрлі этнос өкілдері татулық пен келісімде өмір сүріп жатқан көпұлтты мемлекет. Оларды ортақ тарих пен азаматтық жауапкершілік қана емес, мемлекеттік тіл де біріктіреді. Бүгінде қазақ тілі әскери бөлімдерде де кеңінен қолданылуда. Әртүрлі ұлт өкілдерінен құралған сарбаздар мемлекеттік тілде еркін қарым-қатынас жасап, оны әскери қызметтің ажырамас бөлігі ретінде меңгеріп келеді.
Қоғам тыныштығы мен ел амандығы – ең алдымен діни ахуалдың тұрақтылығына тікелей байланысты. Өңірдегі бейбіт өмірді сақтау бағытында жауапты мамандар кешенді жұмыстарды жүзеге асыруда. Жамбыл облысында бұл салада атқарылып жатқан жұмыстар жайлы келесі сюжетте.
Бүгін еліміздегі Жалпыұлттық аза тұту күніне орай Тараз қалалық мәслихатының кезекті 43-ші сессиясы бір минуттық үнсіздікпен басталды. Депутаттар мен қала активі қаза тапқандарды еске алғаннан кейін, күн тәртібіндегі негізгі мәселелерді қарауға көшті. Жиында алдағы жылыту маусымына дайындық барысы, тұрғын үй көмегін көрсету тәртібі және бюджетке өзгерістер енгізу мәселелері талқыланып, тиісті шешімдер қабылданды. Жиынға Тараз қалалық мәслихатының төрағасы Кенжебек Олжабай төрағалық етті.
Елімізде 25-қыркүйек жалпыұлттық аза тұту күні деп жарияланды. Бұл шешім Маңғыстау облысында қызметтік міндетін атқару кезінде әскери қызметшілердің қазаға ұшырауына байланысты қабылданды. Қазір қаза тапқандардың отбасылары мен зардап шеккен әскери қызметшілерге жан-жақты көмек көрсетіліп жатыр.