Сарысу ауданы, Досбол ауылдық округі, Шағалалы елді мекеніне газ кіргізілуде. Бұл ауданда 25 елді мекен бар десек, көгілдір отынға қосылғалы отырған бұл 5-ші ауыл. Қыстыгүні отын жағып, ас пісірген құм арасын қоныстанушылар үшін бұл ерекше қуаныш. Сондай-ақ, ауыз су құбыры тартылып, жаңа жол төселуде. Жыл соңына дейін алақандай ауылдың әлеуметтік қажеттілігі өтеліп, ауыл тұрғындары игілігін көрмек.