Алпыс жастың асуына шығар шақ – көп адам үшін ой тоқтатып, өткенге көз жүгіртетін кезең. Ал Раушан Шмирова үшін бұл белес жаңа тыныс, жаңа мүмкіндік, жаңа белеңдердің бастауы болды. 3 топ мүгедегі болса да, ол өмірге биіктен қарап, әр күнін мәнді өткізуге тырысатын қайсар жан. Өмір жолына үңілсең, қажыр мен төзімнің, талпыныс пен табандылықтың көркем өрнегі көз алдыңа келеді.