Түркістан қаласындағы мектептерде шахмат үйірмелері кеңінен дамып келеді. Балалардың ой-өрісін кеңейтуге, логикалық ойлау қабілетін арттыруға бағытталған бастама үлкен қолдау табуда. Қазіргі таңда қаладағы бірнеше мектепте шахмат сыныптары жабдықталып, балаларға кәсіби деңгейде үйретілуде. Шахматқа деген қызығушылық артып, оқушылар жарыстарға белсенді қатысып жүр.
Түркістан қаласында мектеп оқушылары арасында үстел теннисі кеңінен насихатталуда. Қаладағы білім ошақтарында арнайы үйірмелер ашылып, балалардың спортқа деген қызығушылығы артып келеді. Үстел теннисі үйірмесіне қатысатын жасөспірімдер бос уақыттарын тиімді өткізіп қана қоймай, шеберліктерін жетілдіруде. Оқушылардың белсенділігі жоғары, олар қалалық және облыстық деңгейдегі жарыстарға қатысып жүр.
Түркістан қаласындағы №33 «Келешек» мектебінде балалар тек білім алып қана қоймай, түрлі жаңа дағдыларға да машықтануда. Оқу орнында әртүрлі үйірмелер жұмыс істейді, олардың ішінде ерекше көзге түсетіні – садақ ату үйірмесі. Бұл өнер оқушыларды төзімділікке, сабырлылыққа және ептілікке тәрбиелейді. Сонымен қатар, салқынқанды болуды үйретіп, мінезді шыңдайды.
Биылғы оқу жылынан бастап мектептерде «Смартфонсыз мектеп» бағдарламасы іске қосылды. Жаңа бастама Түркістан қаласындағы бірқатар білім ордаларында енгізілді. Бұл жоба оқушылардың зейінін ашуға және сабаққа барынша көңіл бөлуіне мүмкіндік беріп отыр. Сабақ басталар алдында балалар телефондарын арнайы қораптарға салады.
Түркістан облысында Қазақстан мен Қытай арасындағы инвестициялық ынтымақтастықты арттыруға бағытталған маңызды кездесу өтті. Облыс әкімі Нұралхан Көшеров Қытай Халық Республикасының ресми делегациясымен және инвесторлармен жүздесті. Тараптар жаңа жобаларды іске асыру, өнеркәсіп пен инфрақұрылым саласындағы әріптестікті кеңейту мәселелерін талқылады.
Түркістан қаласында тұрғындарды баспанамен қамтамасыз ету және инфрақұрылым жүйесін дамыту жұмыстары қарқынды жүріп жатыр. Осы мақсатта облыс әкімінің аппаратының басшысы Еркебұлан Дауылбаев қаладағы әлеуметтік нысандарды, тұрғын үйлерді және жол құрылыстарының барысын аралап, мердігерлермен кездесті.
Түркістан қаласында кәріз жүйесін жетілдіру жұмыстары жүргізілуде. Бұл қадам аймақтың инфрақұрылымын жақсартып, халыққа қолайлы жағдай жасауға бағытталған.
Түркістан қаласындағы №34 жалпы білім беретін мектеп – заманауи білім ордаларының жарқын үлгісі. 2025 жылдың қаңтар айында есігін айқара ашқан бұл жаңа мектеп «Келешек мектеп» ұлттық жобасы аясында бой көтерді. Оқу орны 1200 оқушыға арналған. Қазіргі таңда мұнда 90-ға жуық тәжірибелі педагог еңбек етіп, 1100-ден астам бала сапалы білім мен саналы тәрбие алуда.
Бүгін қасиетті Түркістан төрінде ерекше мәртебеге ие шара – «Жемқорлықсыз болашақ» ұранымен шахматтан жасөспірімдер арасындағы ашық турнир өз жалауын көтерді. Бұл дода ой жүйріктерін жинап қана қоймай, әділдік пен адалдық құндылықтарын дәріптеуге бағытталған.
Бүгін Түркістан қаласында 12 қыркүйек – «Жергілікті әскери басқару органдары күніне» арналған салтанатты іс-шара өтті. Бұл мереке Қазақстан Республикасы Қорғаныс министрінің бұйрығымен 2022 жылдан бастап ресми түрде бекітілген.
