Түркістанда қаласында медицина саласының мамандарына арналған тағылымды семинар өтті. Шараның басты мақсаты – медицина қызметкерлері арасында ұлттық және рухани құндылықтарды насихаттау, қоғамда рухани тұрақтылықты сақтау және деструктивті діни ағымдардың ықпалынан сақтандыру болды. Жиынды Түркістан облысының Дін істері басқармасы мен облыстық Денсаулық сақтау басқармасы бірлесіп ұйымдастырды.
Түркістанда кәсіпкерлікті қолдау мен дамытуға бағытталған маңызды шара – «Даму» кәсіпкерлікті дамыту қорының «Ашық есік күні» өтті.Іс-шараны Қордың Түркістан облысы бойынша аймақтық филиалы ұйымдастырды.Басты мақсат – өңір кәсіпкерлеріне мемлекеттік бағдарламалар, қаржыландыру мүмкіндіктері мен бизнес жүргізудің тиімді тетіктері жөнінде жан-жақты ақпарат беру.
Түркістан қаласында қазақтың ұлы ойшылы, ақын Абай Құнанбайұлының шығармашылығын дәріптеуге арналған «Асыл сөзді іздесең – Абайды оқы, ерінбе!» атты әдеби байқау өтуде. Әдеби жобаға Түркістан қалалық Жастар ресурстық орталығы жетекшілік етуде. Байқаудың басты мақсаты – жастар арасында Абай мұрасын кеңінен насихаттау, көркем сөз оқу мәдениетін дамыту және жас ұрпақтың поэзияға, әдебиетке деген қызығушылығын арттыру
Түркістан облысы, Отырар ауданында 7 қазан – Дүниежүзілік мақта күніне орай ауқымды «AQ-DALA» мақташылар фестивалі өтті. Іс-шараның мақсаты – мақта шаруашылығының өңірдегі даму тарихын, жетістіктері мен жаңалықтарын дәріптеу, жаңа технологияның қолданысын кеңейту және «Жұмысшы мамандықтар жылы» аясында шаруаларға құрмет көрсету.
Түркістан қаласында журналистика мамандығында оқитын үздік студенттерге Бейсен Құранбек атындағы стипендия табысталды. Іс-шара Қ.А.Ясауи атындағы Халықаралық қазақ-түрік университетіне қарасты «Яссы» колледжінде өтті. Шара қазақ журналистикасының дара тұлғасы Бейсен Құранбектің өнегелі жолын ұлықтауға арналды. Дәстүрлі марапат биыл да өз жалғасын тапты.
Түркістан облысында оқушылар арасында құқықтық тәртіп пен қаржылық сауаттылықты насихаттауға бағытталған ерекше іс-шара өтті. Экономикалық тергеп-тексеру департаментінің ұйымдастыруымен өткен “Заң және тәртіп” атты шеруге қала мектептерінің оқушылары белсенді қатысты.
Бәйдібек ауданының Шаян ауылында «Ауыл» партиясының өкілдері грант иегерлерімен кездесті. Кездесуде кәсіп ашуға қолдау алған азаматтардың жұмысының нәтижелері талқыланды. Жалпы жоба аясында сегіз тұрғынға 1 миллион теңгеден грант беріліп, өз кәсібін бастауға мүмкіндік алған. Мұндай қолдау ауыл халқының табысын арттырып, кәсіпкерлік белсенділікті күшейтуге бағытталған.
Ленгір қаласындағы аудандық мәдениет үйінде Төле би ауданының ұстаздар қауымын салтанатты марапаттау рәсімі өтті. Бұл шараны «Ауыл» партиясы ұйымдастырып, үлгілі ұстаз еңбегін ұлықтауды басты мақсат етті.
Түркістан облысының спортшылары биыл ерекше табысқа қол жеткізді. 2025 жылдың 9 айының қорытындысы бойынша жерлестеріміз ел чемпионаттарында – 1060, Азия біріншіліктерінде – 109, ал әлем чемпионаттарында 79 медаль жеңіп алды. Осыған орай жеңімпаздардың бір тобына Түркістан облысының әкімі Нұралхан Көшеров құрмет көрсетіп, жаңа автокөліктің кілтін табыстады.
Отырар ауданына қарасты Балтакөл ауылының 60 жылдық мерейтойы ауыл тарихындағы айтулы әрі есте қаларлық оқиға ретінде аталып өтті. Таңы арайлы, түні тыныш мекенге айналған Балтакөлдің 60 жылдық ғұмыры – еңбектің, бірліктің, татулық пен тірліктің шежіресі іспеттес.
