Жамбыл облысындағы ортағасырлық Ақжар қалашығында кезекті археологиялық қазба маусымы басталды. Ғалымдар XI–XII ғасырларға жататын бірегей тарихи жәдігерлерді анықтап, көне шаһардың даму тарихын жаңаша зерделеуге кірісті. Зерттеу нәтижелері өңірдің ғана емес, тұтас қазақ жеріндегі ортағасырлық өркениеттің тарихын толықтыруға мүмкіндік береді.