ИНЖИНЕР-ПЕДАГОГТАРҒА АРНАЛҒАН КВЕСТ ОЙЫНДАР ҰЙЫМДАСТЫРЫЛДЫ
Оқу уақыты 1 мин.
Жамбыл политехникалық жоғары колледжінде инженер-педагогтардың кәсіби шеберлігін шыңдауға арналған облыстық квест-ойындар өтті. Бұл шара ұстаздардың біліктілігін арттырып қана қоймай, олардың шығармашылық әлеуетін дамытуға, жұмысшы мамандықтарының беделін көтеруге және командалық ынтымақтастықты нығайтуға бағытталды. Кәсіби серіктестікті кеңейтуге мүмкіндік берген ерекше ойын форматындағы жарыс қатысушыларға тың тәжірибе жинақтауға жол ашты.
