Жамбыл облысына бір топ еліміздің Еңбек Ерлері мен Халық Қаһармандары келіп, бірқатар ауқымды әрі маңызды шараларға қатысты. Күні кеше Бауыржан Момышұлы атындағы «Жеңіс» саябағында 400-ге жуық сарбаз Отанға адал қызмет етуге ант берді. Шарада Жамбыл облысының әкімі Ербол Қарашөкеев, Халық Қаһарманы, генерал-лейтенант Бақытжан Ертаев Отан қорғаушы болу – өте абыройлы әрі жауапты міндет екенін атап өтіп, жас сарбаздарға сәттілік тіледі.