Биыл бітіруші түлектердің кеші тек мектеп қабырғасында және қатаң бақылаумен өтеді. Оқу-ағарту министрлігі Ішкі істер министрлігімен және әкімдіктермен бірлесіп, 2026 жылы мектептегі салтанатты шараларды өткізудің жаңа талаптарын бекітті. Басты мақсат – балалардың қауіпсіздігін қамтамасыз ету және ата-аналардың қаржылық жүктемесін азайту. Мейрамханаларда тойлауға ресми түрде тыйым салынады, ал полиция бұл күндері күшейтілген режимге көшеді. Тараз тұрғындары мұндай форматқа қаншалықты дайын? Бұл туралы түсірілім тобымыз біліп қайтқан болатын.