ЖҰРТТЫҢ ТАҢДАНЫСЫН ТУДЫРҒАН ЖАҢА ӨНІМ

Кәсіпкерлікке ден қойған жастар бүгінгі таңда күн санап көбейіп келеді. Мәселен, Жамбыл ауданында өткен жылы кәсіпкерлерге мемлекеттік қолдау ретінде 21 миллион теңге бөлініп,оған тың кәсіпке бағыт алған 6 адам ие болған. Олардың қатарында жамбылдық кәсіпкер Руслан Исмазов та бар. Русланның бастаған кәсібі бізді де таң-тамаша қалдырды. Ол жер жаңғағынан «Табиғи жержаңғақ пастасы» өнімін шығаруды қолға алған.