ТАРАЗДА ЖҮРЕККЕ ОПЕРАЦИЯ ЖАСАУ БОЙЫНША ШЕБЕРЛІК САҒАТЫ ӨТТІ
1 min read
Соңғы жылдары жүрек ауруына шалдыққандар қатары көбейіп барады. Статистика мәліметіне сүйенсек, жыл сайын 18 миллионға жуық адам жүрек ауруынан қайтыс болады екен. Ертеректе бұл сырқат ересек адамдар да ғана кездессе, қазір дерттің жастар арасында да артып бара жатқаны, тіпті сәбилерде туа бітті жүрек ақауымен туылып жатқан жағдайлар жиілеп кетті. Алайда, дерт болғанмен оның емі де табылады. Мәселен, Жамбыл облысына түгел таныс болған облыстық Ғылыми-клиникалық кардиохирургия және трансплантология орталығы 2007 жылдан бері жүрекке күрделі оталар жасап келеді. Тек оталар жасап қана қоймай, өзге елдермен тәжірибе алмасып келеді.
