САРСАҢҒА САЛҒАН КӨЛІК САЛЫҒЫ

Жасыратыны жоқ, жауапсыздығымыздан ба, салғырттығымыздан ба, көлік салығын уақытылы төлеуді жолға қоя алмай келеміз. Темір тұлпарды тақымдаған әр азамат саналы түрде 1 сәуірге дейін салық төлеуі тиіс болған. Екі айдай уақыт өтті, қашып жүргендер көп дейді тиісті орган. Нақты санды сөйлетсек, облыста 50 мыңдай көлік иесінің 1 млрд теңгеден аса берешегі бар екен. Күні кеше сарсаңға салған көлік салығын өндіру бойынша тиісті тарап рейд өткізді.