ЕСІРТКІ ҚОЙЫП КЕТУМЕН АЙНАЛЫСЫП ЖҮРГЕН АЗАМАТША ҰСТАЛДЫ
Тараздық полицейлер синтетикалық заттарды жасырын орындарға қойып кетіп жүр деген күдікпен 26 жастағы қызды ұстады. Оның жалдамалы пәтерінде тінту жүргізгудің нәтижесінде ірі кристалды ұнтақ заты бар 6 zip-пакет табылды. Сот-химиялық сараптаманың қорытындысына сәйкес күдіктіден 12,75 грамм мефедрон және 95,31 грамм альфа-РVP тәркіленді. Тінту барысында пәтерде таразылар мен қаптауға арналған әртүрлі заттар шықты. 26 жастағы қыздың айтуынша, ол есірткі бизнесі саласына қаржылық мәселелерге байланысты түскен. Бастапқыда ол өзі пайдалану үшін синтетика сатып алған. Содан кейін қаржылық қиындықтарға тап болған кезде жасырын орындарға есірткі қойып кетіп қосымша ақша табуды шешкен. Тәркіленген заттардың жалпы салмағы 108,06 гр құрады. Жеңіл пайда табу үшін қыз психотроптық заттарды байланыссыз сатуды ұйымдастыруға шешім қабылдаған. Схема қарапайым болды – қолма-қол ақшасыз есеп айырысу және арнайы жасырын орындағы тауар. Ол есірткінің ірі партиясын арнайы жасырын орындардан алып кетіп, содан кейін оларды бір дозаға шақтап өлшеп, буып-түйіп, одан әрі сатумен айналысқан. Күдікті қылмыстық топтың басқа өкілдерімен тек әлеуметтік желілер арқылы сөйлескен. Полицейлер қылмыстық әрекетке қатысы барларды анықтау бойынша жұмыс жасауда. Тергеу амалдары жүргізілуде.
