ЕРЕЖЕ БҰЗЫП, ӘЛЕУМЕТТІК ЖЕЛІНІ ШУЛАТҚАН ЖҮРГІЗУШІ ҰСТАЛДЫ
1 min read
Полиция қызметкерлері әлеуметтік желілерге мониторинг жүргізу барысында Шу қаласында жол ережесін өрескел бұзған “Toyota Prado” автокөлігінің жүргізушісін анықтады. 19 жастағы тұрғын жолдың қарсы бағытына шығып көлік басқарған. Құқық бұзушыға қатысты әкімшілік хаттамалар толтырылып, істің құжаттары сотқа жолданды. Көлік құралы арнайы айыптұраққа қойылды. Жамбыл облысының Полиция департаменті жүргізушілерге жолда жүру ережелерін қатаң сақтауды ескертеді! Сондай-ақ, құқық бұзушылықтарды «102» арнасына хабарлауды немесе zhambyl_police парақшасына жолдауға болатынын жеткізеді.
