Бүгін Қарттар күніне орай Түркістан қаласының әкімі Әзімбек Пазылбекұлы еңбек ардагерлерінің үйлеріне арнайы барып, ізгі тілегін білдірді. Әкім қазыналы қарттарға құрмет көрсете отырып, ыстық ықыласын жеткізді.
Түркістан қаласында, Қожа Ахмет Ясауи кесенесінде елдің бірлігі мен рухани құндылықтарын дәріптеуге арналған тағылымды шара өтті. «Бабалар рухына 100 хатым» атты игі бастама Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен ұйымдастырылды.
Түркістан қаласындағы мектептерде оқушылардың спортқа қызығушылығы артып келеді. Әсіресе, баскетбол ойыны жасөспірімдер арасында ерекше танымал болып отыр. Үйірмеге қатысатын балалар спорттық шеберліктерін шыңдап қана қоймай, командалық рухты да қалыптастыруда. Олардың жетістіктері мектепішілік және қалалық деңгейдегі жарыстарда айқын көрініс табуда.
Бүгінгі таңда жас ұрпақтың сапалы білім алып, толыққанды дамуы үшін олардың денсаулығына ерекше көңіл бөлінуі қажет. Осы мақсатта еліміздегі мектептерде бастауыш сынып оқушылары толыққанды ыстық тамақпен қамтамасыз етілу жүйелі түрде жүзеге асырылуда. Бұл бастама балалардың бойында дұрыс тамақтану әдетін қалыптастыруға, денсаулығын нығайтуға және оқу үлгерімін арттыруға зор ықпал етеді.
беретін мектепте оқушылардың қауіпсіздігін қамтамасыз ету мақсатында «Алақан» жобасы жүзеге асырылды. Жоба аясында балалардың алақаны арнайы жүйеге енгізілген. Бұл жаңашылдық ата-аналар үшін де, оқушылар үшін де тиімді шешім болып отыр. Енді оқушылар мектепке кіргенде алақанын смарт-турникетке қойып өтеді.
Түркістан қаласындағы жалпы білім беретін мектептерде ұлттық құндылықтарды дәріптеу бағытында тың бастама қолға алынды. Әр аптада бір күн арнайы «Ұлттық киім күні» ретінде белгіленіп отыр. Бұл күні оқушылар мен ұстаздар сабаққа ұлттық киім киіп келеді. Жаңа дәстүр өскелең ұрпақтың өз тамырын терең танып, ұлттық болмысын сезінуіне ықпал етпек.
Түркістан қаласындағы жалпы білім беретін мектептерде оқушылардың сабақтан тыс уақытын тиімді пайдалану үшін түрлі үйірмелер ұйымдастырылған. Соның ішінде ұлттық өнерді дәріптейтін домбыра үйірмесі ерекше орын алады. Үйірмеге қатысушы балалар дәстүрлі күй өнерімен танысып, ұлттық мұраны үйренуде. Бұл олардың өнерге деген қызығушылығын арттырып қана қоймай, шығармашылық қабілеттерін дамытуға жол ашуда.
Биылғы оқу жылынан бастап мектептерде «Смартфонсыз мектеп» бағдарламасы іске қосылды. Жаңа бастама Түркістан қаласындағы бірқатар білім ордаларында да енгізілді. Жоба оқушылардың зейінін ашып, сабаққа барынша көңіл бөлуіне мүмкіндік береді. Енді сабақ басталар алдында балалар телефондарын арнайы қораптарға тапсырады.
Түркістан қаласындағы Ататүрік атындағы №17 мектеп-гимназиясы – жас ұрпақтың жан-жақты білім алып, ғылымға деген қызығушылығын оятуға ерекше көңіл бөлетін білім ордаларының бірі. Мұнда оқушылардың тек сабақ үлгерімімен ғана шектелмей, ғылым мен инновация саласына қадам басуына барынша жағдай жасалған. Мектепте жыл сайын ғылыми жобалар байқауы, түрлі деңгейдегі олимпиадалар мен зерттеу жұмыстары ұйымдастырылады.
Түркістан қаласындағы жалпы білім беретін мектептерде бастауыш сыныптан бастап кәсіби бағдар беру жұмыстары қолға алынған. Бұл бағыттағы іс-шаралар балалардың болашақ мамандықтары туралы ерте түсінік қалыптастыруға негізделген. Арнайы сабақтар мен танымдық кездесулер оқушылардың қызығушылықтарына қарай ұйымдастырылып, мұғалімдер мен ата-аналар бірігіп, олардың дұрыс таңдау жасауына жол көрсетіп келеді.
