Түркістан облысының әкімі Нұралхан Көшеров Қытайдың Шанхай аймағынан келген инвесторларды қабылдады. Кездесуде өңірдің өндірістік, туристік және инвестициялық мүмкіндіктері таныстырылды. Тараптар туризм, ауыл шаруашылығы, терең өңдеу және жеңіл өнеркәсіп салалары бойынша бірлескен жобаларды жүзеге асыру мәселесін талқылады.
Түркістан облысында су шаруашылығы және ветеринария қызметкерлерінің кәсіби мерекесіне арналған іс-шара өтті. Жиынға сала мамандарын құттықтау үшін облыс әкімі Нұралхан Көшеров арнайы қатысып, еңбек иелеріне ізгі тілегін білдірді.
Қаламыздағы Жеңіс саябағында «Ардагер өсиеті» республикалық жастар марафоны салтанатты ТҮРДЕ ӨТТІ. Іс-шара Қазақстан Республикасы Мәдениет және ақпарат министрлігінің бастамасымен қолға алынып, Түркістан облысы қоғамдық даму басқармасының қолдауымен және облыстық «Жастар ресурстық орталығы» коммуналдық мемлекеттік мекемесініңнің үйлестіруімен ұйымдастырылды.
Бүгін Түркістан қаласында қоғам үшін аса өзекті мәселе — нашақорлықтың алдын алу және есірткі жарнамасына қарсы күрес мақсатында рейдтік іс-шара өтті. Оған құқық қорғау органдарының қызметкерлері, ерікті жастар мен жергілікті сектор өкілдері жұмылдырылды. Қала аумағындағы есірткіге қатысты жарнамалар мен граффити суреттерін анықтау және жою — негізгі міндеттердің бірі.
Бәйдібек ауданының орталығы Шаян елді мекенінде ардагерлер мен зейнеткерлерге қолдау көрсетуге бағытталған “Тең қоғам – Белсенді ұзақ өмір сүру” орталығы өз жұмысын жоғарғы деңгейде атқарып , халыққа қызмет көрсетіп келеді.
Түркістан қаласындағы «Болашақ» колледжінде дәстүрлі диплом табыстау кеші өтті. Салтанатты шараға колледж басшылығы, оқытушылар, ата-аналар мен бітіруші түлектер қатысты. Биыл оқу орнын 250-ден астам түлек тәмамдап, арман жолына аттанды.
Қазақстан халқы Ассамблеясының 30 жылдығына орай ұйымдастырылған «Созақтан Түркістанға» этноэкспедициясы сәтті аяқталды. Жоба аясында жастар өңірдің тарихи-мәдени нысандарын аралап, рухани мұрамен танысты. Бұл сапар — ұлтаралық татулықты нығайтуға, ұлттық бірегейлікті жаңғыртуға бағытталған маңызды бастама ретінде жоғары бағаланды.
Мемлекет басшысының тапсырмасымен Түркістан облысында өмірлік қиын жағдайға тап болған азаматтар мен отбасыларға қолдау көрсету жалғасуда. Аймақтағы барлық аудан, қалаларда 17 «Отбасын қолдау орталығы» жұмыс істейді. Биыл жыл басынан бері бұл орталықтарға 4 мыңнан астам азамат жүгініп, түрлі қызмет түрлерін алған.
Түркістан қаласында «Smart City» жобасын жүзеге асыру бағытындағы жұмыстар жүйелі түрде жалғасуда. Облыс әкімдігінде өткен алқалы жиында «Ақылды қала» бастамасының орындалу барысы талқыланды. Түркістан қаласы бүгінде 19 бағыттың 11-ін сәтті жүзеге асырып, республика бойынша 12-орынға тұрақтаған.
Түркістан қаласында кітапхана саласы қызметкерлері арасында «Үздік жұмысшы маман» атты облыстық байқау өтті. Шара Мемлекет басшысы Қасым-Жомарт Тоқаевтың 2025 жылды «Жұмысшы мамандықтар жылы» деп жариялауына орай ұйымдастырылды.
