Түркістанда борышкерлерге және пробация қызметінің есебінде тұрған азаматтарға арналған бос жұмыс орындары жәрмеңкесі өтті. Ауқымды шара Қазақстан Республикасының Президенті Қасым-Жомарт Тоқаев жариялаған «Жұмысшы мамандықтар жылы» аясында ұйымдастырылды. Шараны Түркістан қалалық прокуратурасы мен қалалық Мансап орталығы бірлесе өткізді.
Түркістан облысы соңғы жылдары ішкі және сыртқы туризмнің орталығына айналып келеді. Өңірге келуші туристердің саны айтарлықтай артып отыр. Биылғы 5 айда тарихи орындарға 424 мыңға жуық адам саяхаттаған. Бұл — өткен жылдың осы кезеңімен салыстырғанда 9 пайызға көп. Ал табиғи аумақтарға келгендердің саны екі есеге өсіп, 58 мың адамға жетті.
Түркістан қаласындағы «Достық үйі» ғимаратында «Елтану» мәдени-ағартушылық жобасы аясында этнос өкілдері арасында қазақтың эпостық жырларын жатқа айтудан «Бабалар үні» байқауы өтті. Қазақстан халқы Ассамблеясының 30 жылдығына орай өткен байқау этнос өкілдері арасында қазақтың ауыз әдебиеті мен ұлттық өнерін, мемлекеттік тілді насихаттау, талантты эпос жырын орындаушыларды анықтау және оларға қолдау көрсету мақсатында ұйымдастырылды.
Түркістан облысы, Бәйдібек ауданында халыққа пошта қызметін сапалы жеткізіп жүрген білікті мамандар аз емес. Солардың бірі — Қазпоштаның тәжірибелі қызметкері Гульбану Исабекова. Ол бұл салада он сегіз жылдан астам уақыт еңбек етіп келеді.
Жазғы демалыс күндері Түркістан қаласының оқушылары бос уақытын тиімді өткізіп, өнерге жақын ортада тәрбиеленіп жүр. Түрлі шығармашылық үйірмелер қатарында ұлттық аспабымызды дәріптейтін домбыра сабағы балалардың ерекше қызығушылығын тудырып отыр.
Бәйдібек ауданында ашылған Safi_art_madeniet шығармашылық орталығы небәрі бір жылдың ішінде қолөнер үйірмесі бойынша аудандық және облыстық іс шараларға қатысып бас жүлде иегері болып жүр.Балалар мен жастардың сүйікті ордасына айналды. Орталық жанынан қолға алынған «Қолөнер» үйірмесі ұлттық дәстүрді дәріптеп, қыз-келіншектердің бос уақытын тиімді өткізуіне жол ашпақ.
Сайрам ауданында Түркістан облыстық Қазақстан халқы Ассамблеясы жанындағы Журналистер мен блогерлер клубының көшпелі отырысы өтті. Ауқымды шараның негізгі мақсаты – этносаралық татулықты нығайту, қоғамдық келісім мен жалпыұлттық бірлікті сақтау бағытында БАҚ өкілдерінің рөлін арттыру болды.
Түркістан облыстық мәслихатының төрағасы Нұралы Әбішов жұмыс сапарымен Отырар ауданына барып, өңірде табысты жұмыс істеп жатқан «Lihua Spinning Technology» шетелдік кәсіпорнының қызметімен танысты. Қытайлық инвесторларға тиесілі бұл тоқыма өндірісі – аудандағы ең ауқымды және болашағы зор инвестициялық жобалардың бірі саналады.
Осы апта Балық шаруашылығы қызметкерлерінің күні. Кәсіби мереке елімізде жыл сайын шілде айының екінші жексенбісінде атап өтіледі. Өздеріңізге белгілі Балық шаруашылығы – әлемдік азық-түлік қауіпсіздігін қамтамасыз ететін маңызды сала. Ал Түркістан облысының Төле би ауданында бекіре, форель өсіретін өрендер бар.
Түркістан облысында алдағы жылыту маусымына дайындық қызу жүріп жатыр. Әкімдік өткізген кезекті аппарат мәжілісінде жылу жүйелерінің жай-күйі мен әлеуметтік маңызы бар азық-түлік бағасының тұрақтылығы пысықталды. Облыс басшысы Нұралхан Көшеров бұл мәселелерді жеке бақылауына алып, жауапты сала мамандарына нақты тапсырмалар жүктеді.
