Арыс қаласында мүгедектігі бар жандардың өмір сапасын арттыруға бағытталған нақты істер жүзеге асып келеді. Солардың бірі – Асыл жүрек әлеуметтік орталығы КММ қарасты «Тең қоғам» әлеуметтік орталығы. Қала бойынша жалпы саны 2570 мүгедектігі бар адам тіркеуде болса, соның 1300-ден астамы осы орталықтың қызметін тұрақты түрде пайдаланып келеді. Бұл орталық – олардың дамуына, қоғаммен байланысын арттыруға, рухани және мәдени тұрғыдан байи түсуіне жол ашатын маңызды орын.
Арыс қаласындағы «Тең қоғам» әлеуметтік қолдау орталығы – мүгедектігі бар жандар мен балалар үшін ашық әрі қолжетімді орта қалыптастыруда жүйелі жұмыс жүргізіп келе жатқан бірегей мекеме. Мұнда тіркеуде тұрған азаматтардың әлеуметтік бейімделуіне, білім алуына және қоғаммен байланысын нығайтуға бағытталған нақты қызмет түрлері көрсетіледі.
Арыс қаласында мүгедектігі бар жандарды қолдау бағытында бірқатар әлеуметтік жобалар жүзеге асырылып келеді. Соның бірі – үйде күтім жасау қызметі. Бұл бастама қарт адамдардың өмірін жеңілдетіп, күнделікті тұрмыстағы қажеттіліктерін өтеуге үлкен мүмкіндік беруде.
Арыс қаласында мүмкіндігі шектеулі, жалғызбасты қарияларға көрсетілетін әлеуметтік көмек түрлері жылдан жылға кеңейіп келеді. Үйде күтім жасау қызметі – соның жарқын бір көрінісі. Бұл бастама аға буын өкілдерінің өмір сүру сапасын жақсартып қана қоймай, жан жылуын сезінуіне де жол ашуда.
Арыс қаласындағы Асыл жүрек әлеуметтік орталығы КММ қарасты «Тең қоғам» әлеуметтік қолдау орталығы – мүгедектігі бар балалар үшін үлкен мүмкіндік алаңы десек, артық айтқандық емес. Мұндағы қызмет тек орталық қабырғасында шектеліп қалмайды. Көмекке мұқтаж балалардың әрқайсысына жеке көңіл бөлініп, үй жағдайындағы күтімінен бастап орталықтағы қызмет алуына дейін барлығы жүйелі түрде ұйымдастырылған.
Арыс қаласында мүгедектігі бар жандар қоғамнан шет қалмай, белсенді әрекет етіп жүр. Олар өз істерін ашып, қоғамдағы орындарын тауып, адал еңбегімен табысқа жетіп келеді. Мүгедектігі бар азаматтардың еңбекке араласуы – қоғамның дамуына қосылған үлес. Олар қоғамнан шет қалмай, керісінше, оның белсенді бір бөлшегіне айналып отыр. Еңбегімен, табандылығымен және өз ісіне деген сүйіспеншілігімен өзгелерге де үлгі болып келеді.
Мемлекет мүгедектігі бар азаматтарға жан-жақты қолдау көрсетуді жалғастырып келеді. Бүгінде мүгедектігі бар жандар мен олардың отбасына әлеуметтік көмек, оңалту қызметтері, арнайы құрал-жабдықтар мен жәрдемақылар жүйелі түрде ұсынылуда.
Қайтарымсыз грант – талай жанға жаңа мүмкіндік сыйлаған мемлекеттік қолдау. Бүгінде бұл бағдарлама мүгедектігі бар азаматтардың да өз ісін ашуына жол ашып отыр. Мұндай қолдау – тек бір адамның емес, бүтін бір қоғамның алға жылжуына үлес қосатын маңызды бастама.
Арыс қаласында қазіргі таңда үш мыңға жуық мүгедектігі бар азамат тіркелген. Олардың бір бөлігі белсенді түрде еңбек нарығына араласуға ұмтылып, өз мүмкіндіктерін жүзеге асыру мақсатында Мансап орталығына жүгінеді. Аталған мекеме мұндай жандарға ерекше қолдау көрсетіп, олардың қабілетіне сай жұмыс табуға жан-жақты көмек ұсынады.
ОҚУШЫЛАРҒА ЖАҢА МҮМКІНДІК СЫЙЛАҒАН «ЖАЙЛЫ МЕКТЕП»
