Қызылорда жаңалықтары

Президенттік жастаркадр резервіне кезекті іріктеу басталады

https://www.instagram.com/p/DKP8p4att6S/?igsh=MWVxd3diY3NvMWltcA==

​2025 жылдың 1 маусымынан бастап елімізде Президенттік жастар кадр резервіне кезекті іріктеу басталды. Іріктеу нәтижесінде үздік 50 кандидат Резерв құрамына енеді.
​Іріктеу туралы толық ақпарат бүгін Қызылорда облысының Полиция департаментінде өткен жиын барысында айтылды. Жиынға Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы, Мемлекеттік қызмет істері агенттігі Қызылорда облысы бойынша департаментінің басшысы, Әдеп жөніндегі кеңесінің төрағасы Мендалиев Ерлеген Жәрдемұлы, департаменттің жеке құрамы мен әкімшілік мемлекеттік қызметкерлері қатысты.
​Іріктеуге жасы 35-тен аспаған, жоғары білімі мен 5 жыл жұмыс өтілі бар, мемлекеттік тілді И1 деңгейінен төмен емес меңгерген Қазақстан Республикасының азаматтары қатыса алады.
Қатысушылар алты бағыттың бірін таңдай алады:
1. Инфрақұрылым, өнеркәсіп және сауда;
2. Ауыл шаруашылығы және экология;
3. Сыртқы саясат және инвестициялар;
4. Экономика және қаржы;
5. Цифрландыру;
6. Әлеуметтік саясат және азаматтық қоғам.

?Жиын барысында іріктеу бойынша толық ақпарат беріліп, жадынама таратылып, қойылған барлық сұрақтарға жауап берілді.

#БІЛГЕНІҢІЗАБЗАЛ
#ВАЖНОЗНАТЬ
#БІЗДІҢПОЛИЦИЯ
#НАШАПОЛИЦИЯ
#ЗАҢменТӘРТІП
#ЗАКОНиПОРЯДОК
Дереккөз:Қызылорда облысы полиция департаменті парақшасынан

ЖАҢА ТЕХНОЛОГИЯЛАР –ЖЕТІСТІК БАСТАУЫ

https://www.instagram.com/p/DKMseaqsjBL/?igsh=MWI2c2s3cGswa3h3ag==

Облыс әкімі Нұрлыбек Нәлібаевтың төрағалығымен егін шаруашылығына енгізілген жаңа технологиялардың тиімділігін арттыру мәселесі талқыланған мәжіліс өтті. Аймақ басшысы жауапты сала жетекшілеріне нақты тапсырмалар беріп, инновациялық әдістерді кеңінен қолдануды, су ресурстарын үнемдеуді және мемлекеттік қолдау шараларын тиімді ұйымдастыруды жүктеді.
«Жаңа технологияларды енгізу ауқымын кеңейте беру қажет. Бұл – өнімділікті арттырып, шығынды азайтуға мүмкіндік береді. Су үнемдейтін әдістерді, әсіресе электронды су өлшеу құрылғылары мен жерді лазерлік тегістеу технологияларын барлық ауданда қолдану керек. Шаруаларға берілген несиелер мен субсидиялардың нәтижесін қадағалап, олардың тиімді жұмсалуын бақылаңыздар»,– деді Нұрлыбек Машбекұлы.
Айта кету керек, аймақта егін шаруашылығына енгізілген жаңа технологиялардың тиімділігі байқала бастады. Заманауи әдістер шығындарды азайтып, өнім көлемін арттыруға оң әсерін тигізуде. Мысалы, аралдық шаруалар 30 жыл бойы пайдаланылмай келген алқапты айналымға қосып, бақша егіп, оны жабынды астында өсіруді қолға алды.
Дереккөз:Қызылорда облысы әкімдігі парақшасынан

КОЛЛЕДЖ CТУДЕНТТЕРІНЕ ШЕТЕЛДІК ОҚУ ОРЫНДАРЫНА ЖОЛДАМА БЕРІЛДІ

https://www.instagram.com/p/DJyxil3tddj/?igsh=MXVtb3Z1eGNhbGxvMg==

Кеше Сыр елінде «Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өтті. Онда аймақ басшысы Нұрлыбек Нәлібаев медицина саласындағы ауқымды жұмыстарды атап өтіп, жетістіктерге тоқталды.
Конференцияға Денсаулық сақтау министрі Ақмарал Әлназарова, Дүниежүзілік денсаулық сақтау ұйымы Қазақстандағы сақтандыру кеңсесінің басшысы Скендер Сыла, онлайн режимде Дүниежүзілік денсаулық сақтау ұйымы Еуропалық аймақтық бюросының директоры Ханс Клюге, Германия, Қырғызстан, Латвия, Өзбекстан, Ресей, Түркия, Финляндия мемлекеттерінің өкілдері, ғалымдар, барлық өңірдің денсаулық сақтау басқармасының басшылары, дәрігерлер, мейіргерлер, медициналық оқу орындары мен клиника басшылары қатысты.
Іс-шарадағы ақжолтай жаңалықтың бірі – медициналық жоғары колледж cтуденттеріне шетелдік оқу орындарына жолдама берілді.
Нақтырақ айтсақ, Қызылорда медициналық жоғары колледжі 3-курсының 12 студентіне Түркияның Стамбул қаласындағы «Medicana International Istanbul» клиникасынан оқу-өндірістік практикадан өтуге, 4-курстың 5 студентіне академиялық ұтқырлық бағдарламасы бойынша Латвия Республикасы І Рига медициналық колледжінде оқуға жолдама табысталды.
Айта кетейік, Қызылорда медициналық жоғары колледжі халықаралық серіктестікті нығайту мақсатында Германия, Түркия, Өзбекстан, Қырғызстан, Латвияның жетекші медициналық мекемелерімен және оқу орындарымен серіктестік келісім-шартқа отырған. Сонымен қатар, отандық медициналық оқу орындарымен, ғылыми-зерттеу мекемелерімен де ынтымақтастық орнатқан.
Дереккөз: Қызылорда облысы әкімдігінің парақшасынан