https://www.instagram.com/reel/DIso9MFBA71/?igsh=MWY1ZTJ0d3ZsYTZvYw==
ҚМА Алматы қаласы бойынша департаменті «Warner Bros», «Roborock» және «NFT+TRX» қаржылық пирамидаларының қызметін тоқтатты.
Қаржылық пирамида ұйымдастырушылары салымшыларды трейлерлерді көру арқылы жоғары пайда алу деген сылтаумен жобаларға инвестиция салуға көндірген.
Жоба 9 деңгейден құралып, орташа салым сомасы 225 мың теңгені құрады, төлемдер тек USDT криптовалютасында қабылданды.
Мысалы, «Warner Bros» жобасы бойынша салымшылар арнайы қосымшаға тіркеліп, криптовалюта арқылы қолжетімділікті сатып алып, трейлерлерді көру үшін және жаңа салымшыларды шақыру үшін «есептелетін» сыйақылар алған.
Тергеу барысында салымшылардан қаражат жинау және транзит жасау үшін қолданылған криптовалюталық әмияндар анықталды.
Соттың санкциясымен 3,8 млн USDT көлемінде криптоактивтерге тыйым салынды.
Құқықтық іс жүргізу кодексінің 201-бабына сәйкес басқа ақпарат жария етуге жатпайды.
Егер Сізге экономикалық құқық бұзушылық жасау фактілері белгілі болса, бұл туралы «АФМ Insider» телеграм ботына хабарлауыңызды сұраймыз.
Анонимділікке кепілдік беріледі.
ҚР ҚМА Баспасөз қызметі
https://t.me/c/2484261681/242
2025 жылғы 21 сәуірде Астанада Мемлекет басшысының қатысуымен экофестиваль өтті, оның аясында инновациялық экологиялық жобалар мен стартаптарды көрсету үшін көрме және интерактивті аймақтар ұйымдастырылды.
♻️ Қалдықтарды қайта өңдеу бойынша «Қалдықтардың екінші өмірі» атты 7 көрме аймағы құрылды.
✅ Мысалы, Kazstonebox жобасы экологиялық және суға төзімді материал – тас қағаздан жиһаз бен қалдықтарды бөліп жинауға арналған контейнерлер шығарады. Бұл өнімдер төзімді, ылғалдан қорықпайды, бастысы ағаш пен пластикке экологиялық таза балама бола отырып, толығымен қайта өңделеді.
✅ Technic Destroy литий-ионды батареяларды қайта өңдейді және ондағы бағалы металдарды (литий, кобальт, мыс) өндіріске қайтарады. Бұл қоршаған ортаның ластануын азайтып қана қоймай, шикізат импортына тәуелділікті азайтады.
https://www.gov.kz/memleket/entities/ecogeo?lang=kk
https://www.instagram.com/reel/DIlRRxJhVZo/?igsh=aWxqeGhsMmdrMDIx
ҚМА Қостанай облысы бойынша департаменті әлеуметтік желілер арқылы есірткі таратумен айналысқан арнаны анықтап, оның қызметін тоқтатты.
Күдіктілер 2024 жылдың мамырынан бастап «Thс Seller» атауымен Telegram-арнасында интернет-дүкен ұйымдастырып, есірткі заттарын сатқан. Төлемдер қолма-қол ақша және криптовалюта арқылы қабылданған.
Тінту барысында 30 келіден астам марихуана мен гашиш, ұялы телефондар және 5 банк картасы тәркіленді.
Анықталғандай, интернет-дүкеннің 2 мыңнан астам тұтынушысы болған, және 100 миллион теңгеден астам сомаға 5 мыңнан астам есірткі саудасы жүргізілген.
Қылмыстық жолмен келген табысты жасыру мақсатында күдіктілер Telegram мессенджері арқылы дроптарды – яғни жалған тұлғаларды – тартқан. Бұл тұлғалар атына банк карталары рәсімделіп, сол карталар арқылы ірі көлемдегі ақшалай қаражат қолма-қол ақшаға айналдырылған.
Есірткі тасымалы үшін күдіктілер қылмыстық табыстың есебінен 2 автокөлік пен мотоцикл сатып алып, оларды сенімді адамдардың атына тіркеген.
Сот санкциясымен бұл көлік құралдарына тыйым салынды.
Күдіктілер екі ай мерзімге қамауға алынды.
Тергеу жалғасуда.
Егер Сізге экономикалық құқық бұзушылық жасау фактілері белгілі болса, бұл туралы “АФМ Insider” телеграм ботына хабарлауыңызды сұраймыз.
Анонимділікке кепілдік беріледі.
ҚР ҚМА Баспасөз қызметі
https://www.instagram.com/reel/DIib7f7Bnsj/?igsh=ZGNmN3Z0Y3Qwcjc4
Қызылордалық полицейлер үшін ерекше семинар өтті. Жасанды интеллект негіздері бойынша оқыту семинары екі күнге жалғасты.Kyzylorda Hub бизнес-инкубаторында өткен оқыту семинары полиция қызметкерлерінің кәсіби дағдыларын арттыруға және жасанды интеллект технологияларын құқық қорғау саласында қолдану мүмкіндіктерін терең түсінуге бағытталған.Тәртіп сақшылары жасанды интеллекттің негізгі принциптерімен танысып, оның құқық қорғау қызметінде қандай рөл атқаратыны туралы ақпарат алды. Жасанды интеллекттің құқық қорғау саласында, оның ішінде қылмыстың алдын алу, мәліметтерді талдау және қылмыстық іс жүргізу процесінде қолданылуы туралы түрлі мысалдар келтірілді. Сондай-ақ, жасанды интеллектті пайдаланудың қауіпсіздік, құпиялылық және құқық қорғау органдарының қызметінде тиімділікті арттыруға қалай ықпал ететіні қарастырылды.Семинар барысында полиция қызметкерлері үшін маңызды құралдар мен технологиялар таныстырылды. Аталмыш шара қызметкерлердің жаңа технологиялармен жұмыс істей алатын қабілеттерін арттырып, құқық қорғау саласының цифрлық трансформациясын жеделдетуге бағытталған маңызды қадам болды.
https://www.instagram.com/reel/DIfvPLphG_U/?igsh=eTF6ZHdoZmJuNTZ1
🟦 Қызылорда облысының полицейлері жергілікті шаруа қожалығының жоғалып кеткен бақташыларын тапты. Таңертеңгі уақытта Жалағаш ауданының полиция бөліміне осыдан үш күн бұрын үш бақташының жоғалғандығы туралы хабар түседі.
Олар Жалағаш ауданы Қаракеткен ауылынан жайылымдағы малды іздеп шыққан. Жайылымдық жерден уақытында оралмаған бақташыларды отбасы мүшелері өз күшімен іздеген. Алайда нәтиже болмағандықтан полицияға жүгінген.
Аталған дерек Жалағаш аудандық полиция бөліміне тіркеліп, адам жоғалу дерегі бойынша қажетті шаралар жүргізілді.
Хабар түсе салысымен полиция қызметкерлері дереу іздестіру жұмыстарын бастап, жедел әрекетке кірісті. Полицейлер, Төтенше жағдай департаментінің қызметкерлері, ауыл тұрғындарынан арнайы топ құрылып, жоғалған бақташыларды іздестіру жұмыстары жүргізілді. Ауданның барлық ауылдары, далалық жолдар түгел қамтылды.
9 сағатқа жалғасқан іздестіру жұмыстары сәтті аяқталды. Бүгін сағат 16:00 шамасында бөлімнің учаскелік полиция инспекторы кенттен 160 шақырым жерде орналасқан Жалағаш ауданына қарасты Шақ-Шақ далалық жерден жоғалған бақташыларды аман тапты. Қырағылық танытқан сақшылардың жедел әрекеті арқасында жоғалған азаматтар дін аман табылып, отбасыларымен қауышты. Табылған малшылар аудандық полиция бөлімінің қызметкерлеріне риясыз алғыстарын білдірді.
https://www.instagram.com/reel/DIftfRGhfVO/?igsh=MWw1NzJ1b3NoanJlbA%3D%3D
https://www.instagram.com/p/DIah8gfNdr8/?utm_source=ig_web_copy_link
Бүгін аймақ басшысы Нұрлыбек Нәлібаевтың тапсырмасына сәйкес облыстық мәслихат төрағасы мен облыс әкімінің орынбасарлары, облыс әкімі аппаратының басшысы Қызылорда қаласындағы нысандарды аралап, құрылыс жұмыстарының барысын тексерді.
Алдымен «Қорқыт Ата әуежайының» жаңа терминалы мен “Өнер орталығына” барды. Жаңа терминалға «Болат Өтемұратов қоры» 16,6 млрд теңге инвестиция салды, жергілікті бюджеттен инженерлік-коммуникациялық инфрақұрылымға 4,3 млрд теңгеден астам қаражат бөлінді. Ал, 1000 келушіге арналған “Өнер орталығы” былтыр пайдалануға берілді. Зәулім ғимаратта симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізілуде.
«Жаңадария», «Сыздық», «Шіркейлі» каналдарындағы көпірлерді қайта жаңғырту қарқын алған. «BSJ инжиниринг» ЖШС «Жаңадария» каналындағы көпірді жаңғыртуда.
https://www.instagram.com/reel/DH-QAphNpg4/?igsh=MTdicGdjOHd3b3N5bQ%3D%3D
https://www.instagram.com/p/DHtfGIwt5C3/?igsh=ZmwwbXpvNWxvMmR1
Көктемгі уақытта құрғақ шөптің, қоқыстың жануына байланысты өрт саны күрт өседі. Табиғи өрттерді болдырмау үшін 2 мобильді топ әр аптаның сәрсенбі, жұма күндерінде орман дала алқаптарына рейд жұмыстарын жүргізуде.
Бұл туралы қала әкімдігінің баспасөз орталығында өткен брифингте Қызылорда қаласы Төтенше жағдайлар басқармасы бастығының орынбасары азаматтық қорғау майоры Рабат Сәкенұлы баяндады.
— Өрт оқиғаларының басым көпшілігі азаматтардың немқұрайлығынан, яғни далалық алқапта, жеке тұрғын үй аулаларында көктемгі тазалық жұмыстарын жүргізу және егін егу науқанына дайындау кезінде жиналған қоқысты немесе қураған шөпті өртеу, оны бақылаусыз қалдыру жағдайларынан туындауы мүмкін. Осы орайда, табиғи өрттерді болдырмау үшін қала тұрғындарын сақтық шараларын күшейтуге шақырамыз,- деді басқармасы бастығының орынбасары Рабат Сәкенұлы.
Жалпы, Қызылорда қаласы аумағында 838 022 гектар орман қоры бар. Биыл осы орман дала алқаптарында орналасқан 41 шаруа қожалығына түсіндірме жұмыстары жүргізіліп, ескертпе парақшалары таратылды. Сонымен қатар, саяжайларда дауыс зорайтқыш құралы арқылы халықты орман дала өртінің қауіптілігі жөнінде құлақтандыру жұмыстары жүргізілді. Сонымен қатар, өртке қарсы 3300 шақырымға минералды жолақтар жүргізу жоспарланған.
