Кентау қаласы Түркістан облысындағы өзіндік орны бар, маңызды қалалардың бірі. Өңірде әртүрлі салаларды дамытуға ерекше көңіл бөлінеді. Мәселен, күні кеше Кентау қаласының күніне орай өнеркәсіп және ауыл шаруашылығы саласында еңбек етіп жүрген кәсіпкерлердің көрмесі ұйымдастырылды. Көрмеде жергілікті кәсіпкерлердің өндірістік тауарлары, ауыл шаруашылығы өнімдері мен дайын бұйымдары көпшілік назарына ұсынылды.
Түркістан облысы, Бәйдібек ауданында жаңа модульді спорт залы ашылды. «Қазақстан халқына» қорының қолдауымен бой көтерген бұл нысан Теректі ауылының жастарына үлкен сый болды. Енді ауыл өрендері спорттың бірнеше түрімен шұғылданып, шеберліктерін шыңдауға толық мүмкіндік алды. Қуанышты сәтке біздің түсірілім тобы да куә болып қайтты.
Кәсіп бастауға ниет бар, ал оны жүзеге асыруға мүмкіндік керек. Кентауда өз ісін ашқысы келетін жастарға мемлекет тарапынан қолдау көрсетіліп келеді. Мансап орталығы азаматтарға грантқа қатысу тәртібін түсіндіріп қана қоймай, бизнес-жобасын дайындау мен құжаттарын рәсімдеуге дейін бағыт-бағдар беруде.
Кентау өңірінде кәсіпкерлік пен ауыл шаруашылығы саласында оң өзгерістер көп. Ауылдың ақ қаймағы, құрт-ірімшігі мен табиғи сүт өнімдері – дастарханның берекесі. Кентау қаласының күніне орай өткен көрмеде кәсіпкерлер осындай ұлттық әрі табиғи өнімдерін көпшілікке ұсынды. Солардың бірі – ауыл өнімдерін жинақтап, қала тұрғындарына ұсынып жүрген кәсіпкер Юлдуз Касимова. Толығырақ алдағы сюжеттен көріңіз.
Кентау қаласының күніне орай шаһарда мерекелік шара ұйымдастырылды. Тарихы терең, еңбек адамдары мен талай талантты түлеткен кеншілер қаласының айтулы күні көпшілікке көтеріңкі көңіл-күй сыйлады. Мерекелік шараға облыс әкімінің орынбасары Ертай Алтаев, қала әкімі Жандос Тасов, тұрғындар мен қала қонақтары қатысты.
Кентау қаласының күніне орай шаһарда бұқаралық спортты насихаттау, өңірдегі спорт саласын дамытуға бағытталған мерекелік марафон өтті. Спорттық шараға қала тұрғындары, жастар мен спортсүйер қауым қатысып, өзара бақ сынады. Марафонның негізгі мақсаты – салауатты өмір салтын қалыптастырып, тұрғындардың спортқа деген қызығушылығын арттыру.
Кентау білімді, спортшы, өнерлі жастардың басын қосқан өңір. Соның жарқын дәлелі қала күніне орай ұйымдастырылған шаралар барысында жергілікті өнертапқыштардың ұсынған еңбегі болды. Толығырақ алдағы сюжетте.
Кентау қаласында мемлекеттік қолдаудың арқасында кәсібін дамытып отырған кәсіпкерлер бар. Солардың бірі – шұжық өнімдерін өндіретін кәсіпкер Бақыт Ибраев. Ол мемлекеттік грантқа ие болып, өндірісін дамытуға мүмкіндік алған.
Кентау қаласында өңірдегі спортты дамыту бағытындағы жұмыстар ауқымды. Соның нәтижесі күніне орай өткен үстел теннисінен «KENTAU CUP» ашық турнирінде айқын көрініс тапты. Спорттық додаға үстел теннисіне қызығушылық танытқан қатысушылар жиналып, өзара шеберлік пен ептіліктерін сынауда. Турнирдің мақсаты – бұқаралық спортты дамыту және тұрғындардың салауатты өмір салтына деген қызығушылығын арттыру.
Кентау қаласында кәсіпкерлікпен айналысып, өз өнімін тұтынушыларға ұсынып жүрген жандардың бірі – Ләйла Камал. Кәсіпкер үй жағдайында түрлі жартылай дайын тағамдарды дайындап, өнімдерін «Ләйла» атауымен шығарады. Толығарақ тілші материалында.