Бүгін Тараздағы Қ. Рысқұлбеков атындағы көркем саябақта ардагерлер арасында «Ұлы Жеңіс: ерлікке тағзым, ұрпаққа үлгі» атты қалалық спартакиада өтті. Спартакиаданың басты мақсаты Ұлы Жеңіс үшін алғыс пен аты аңызға айналған жерлесіміз, Ұлы Отан соғысының ардагері, қоғам қайраткері Тілеуғабыл Төребековке құрмет көрсетудің жанды бейнесі болды.
Жамбыл облысында 2025 жыл – Кітап оқу жылы деп жарияланды. Бұл – өскелең ұрпақтың танымын тереңдетіп, рухани әлеуетін арттыруға бағытталған үлкен қадам. Осы орайда облыс аумағында «Әулиеата – кітап оқитын өңір» атты кең көлемді акция бастау алды. Аталған бастама аясында қазақ халқының біртуар перзенті, даңқты қолбасшы Бауыржан Момышұлына арналған «Тау тұлғалы, дара тұлға – Бауыржан» атты көшпелі кітап көрмесі ұйымдастырылды.
Жамбыл облысы полиция департаментінің ғимаратында өңірдің құқық қорғау органдарының өкілдерімен кеңес өтті. Кездесудің негізгі қатысушысы Қазақстан Республикасы Президентінің кеңесшісі Мәлік Отарбаев болды, ол Мемлекет Басшысы Қасым-Жомарт Тоқаевтың Бурабайда өткен Ұлттық құрылтайдың төртінші отырысында сөйлеген сөзінің негізгі тезистерін түсіндіру үшін келді.
Қазақстан халқы Ассамблеясының 30 жылдығына орай ҚР Президентінің кеңесшісі Мәлік Отарбаев пен Жамбыл облысының әкімі Ербол Қарашөкеев өңірлік Қазақстан Халқы Ассамбелиясы кеңесінің кеңейтілген отырысына қатысты.
https://www.instagram.com/reel/DIfvPLphG_U/?igsh=eTF6ZHdoZmJuNTZ1
🟦 Қызылорда облысының полицейлері жергілікті шаруа қожалығының жоғалып кеткен бақташыларын тапты. Таңертеңгі уақытта Жалағаш ауданының полиция бөліміне осыдан үш күн бұрын үш бақташының жоғалғандығы туралы хабар түседі.
Олар Жалағаш ауданы Қаракеткен ауылынан жайылымдағы малды іздеп шыққан. Жайылымдық жерден уақытында оралмаған бақташыларды отбасы мүшелері өз күшімен іздеген. Алайда нәтиже болмағандықтан полицияға жүгінген.
Аталған дерек Жалағаш аудандық полиция бөліміне тіркеліп, адам жоғалу дерегі бойынша қажетті шаралар жүргізілді.
Хабар түсе салысымен полиция қызметкерлері дереу іздестіру жұмыстарын бастап, жедел әрекетке кірісті. Полицейлер, Төтенше жағдай департаментінің қызметкерлері, ауыл тұрғындарынан арнайы топ құрылып, жоғалған бақташыларды іздестіру жұмыстары жүргізілді. Ауданның барлық ауылдары, далалық жолдар түгел қамтылды.
9 сағатқа жалғасқан іздестіру жұмыстары сәтті аяқталды. Бүгін сағат 16:00 шамасында бөлімнің учаскелік полиция инспекторы кенттен 160 шақырым жерде орналасқан Жалағаш ауданына қарасты Шақ-Шақ далалық жерден жоғалған бақташыларды аман тапты. Қырағылық танытқан сақшылардың жедел әрекеті арқасында жоғалған азаматтар дін аман табылып, отбасыларымен қауышты. Табылған малшылар аудандық полиция бөлімінің қызметкерлеріне риясыз алғыстарын білдірді.
https://www.instagram.com/reel/DIftfRGhfVO/?igsh=MWw1NzJ1b3NoanJlbA%3D%3D
Таразда «Әулиеата – кітап оқитын өңір» жобасы аясында «Жас оқырмандардың сырлы әлемі» атты дөңгелек үстел ұйымдастырылды. Аталған шара жылдың «Кітап оқу жылы» деп жариялануына орай өткізілді.
Тараз қаласында ерекше қажеттіліктері бар балаларға бейімделген ерекше ертегілер кітаптарының тұсаукесері өтті. Алғаш рет әдеби туындылар бірден төрт форматта жарық көріп отыр. Жобаға бастамашы болған – зағип және әлсіз көретін азаматтарға арналған Жамбыл облыстық кітапханасы. Толығырақ келесі сюжеттің барысында білесіздер!
Бүгін ұлы жеңістің 80 жылдығына орай «ардагерлерге мың алғыс» әлеуметтік керуені ұйымдастырылды. «AMANAT» партиясы Жамбыл облыстық филиалының және облыс әкімдігінің бастамасы ұрпаққа бейбіт аспанды сыйлау үшін орасан зор күш жұмсағандарға деген терең құрмет білдіру мақсатында салтанатты рәсім өткізді.
Ұлы ақынның атымен аталатын өңірде соңғы жылдары шығармашыл ортаға жан-жақты қолдау көрсетіліп келеді. Бұл игі іс биыл да «Әулиеата – оқырман өңір» жобасы аясында өз жалғасын табуда. Соның айқын дәлелі – облыс әкімінің бастамасымен және «Aulieata-media» медиахолдингінің қолдауымен жарық көрген республикалық жаңа «Tekturmas» журналының тұсаукесері болды.
