Тараз қаласының Жеңіс саябағында көктемгі шақырылым бойынша мерзімді әскери қызметке алынған сарбаздардың әскери ант қабылдау рәсімі өтті. «Оңтүстік» өңірлік қолбасшылығына қарасты Бауыржан Момышұлы атындағы 5-механикаландырылған бригаданың 245 жас жауынгері Отанға адал болуға ант берді. Әрбір әскери қызметші үшін бұл күн – ерекше. Өйткені дәл осы күні жас сарбаздар ресми түрде ел қорғаны болу жолында алғашқы қадам жасайды.