Қазалы ауданының әлеуметтік-экономикалық даму жолында қалыптасқан тенденциясы артып келеді. Яғни, өткен жылы аудан бюджетінің 18,9 млрд теңгеге жеткені оң ықпалын тигізіп отыр. Жыл басынан бері бюджет 7,9 млрд теңгеге артып, 72 пайызға ұлғайған. Бұл туралы өңірлік коммуникациялар қызметінде өткен брифингте Қазалы ауданының әкімі Мейрамбек Шермағанбет баяндады.
Облыс әкімі Нұрлыбек Нәлібаев Қызылорда қаласындағы Шығармашылық-инновациялық орталықтың құрылысымен танысты. Бұл орталықты «Bi Global» серіктестігі салуда. Жалпы ауданы 3820,43 шаршы метр ғимараттың бас жобалаушысы – «TEHNIKALIQ BAQILAU», ал техникалық қадағалаушысы – «Алатау Сапа Құрылыс» серіктестіктері.
Ауылдасым ауламда тұрған қойымды ұрлап әкетті! Әуілінде жүрген қойының қолды болғанын білген адам, бірден полицияға арызданған. Оқиға Арал ауданында болып отыр. Ал Қызылордалық полицейлер қой ұрлаған қарақшының қолына кісен салды! Күдіктіні анықтау бағытында жедел-іздестіру жұмыстары жүргізілген. Нәтижесінде сол ауданның 29 жастағы тұрғыны ұсталды. Автокөлігі айғақ ретінде алынды. Бүгінде күдікті уақытша ұстау изоляторына қамалды. Ұрланған қой өз иесімен қайта қауышты. Қазіргі таңда тергеп-тексеру әрекеттері жүргізілуде. Сол себепті малды бақташымен пада арқылы белгіленген орындарда жайған дұрыс дейді жершілікті Полиция Департаменті.
Сыр елінде «Адал еңбек – ел ырысы» атты республикалық командалық айтыс өтті. Дәстүрлі өнерді насихаттауға Қызылорда және Алматы облысының ақындары арнайы қатысты. Сондай-ақ, облыс әкімі Нұрлыбек Нәлібаев, Парламент Сенаты мен Мәжілісінің депутаттары, мен зиялы қауым өкілдері төрден табылды.
Қызылордада сенбі сайын жәрмеңке өтіп тұрады. Нарықтан төмен бағадағы тауарлар, арзан бағадағы азық-түлікті тап осы жерден табасыз. Тіпті өткен аптаның соңында картоп өнімінің өзі 177 теңгеден сатылды. Қалтаға салмақ салмайтын, қалың көпшілік жиналған жәрмеңкеге әріптесім де барып көріп еді. Бақдаулет Ерланұлы баяндасын!
5 сәуірден бастап мопедтерге қатысты заңнамалық өзгерістер өз күшіне енеді. Ендігі екі аяқты арба, механикалық көлік құрылымен тең болмақ. Сондай-ақ, мопед тізгіндеу үшін A1, A және B санатындағы жүргізуші куәлігіңіз болуы керек. Осы орайда, Қызылорда қаласының полиция басқармасы тұрғындарға бірқатар ескерту жұмыстарын жүргізіп шықты.
Қызылорда облысы төңірегінде біріңғай өрт қауіпсіздік акциясы ұйымдастырылуда. Төтенше жағдайлар басқармасы қызметкерлері акция барысында білім беру ордадаларының ұстаздары мен оқушыларына өрт қауіпсіздік талаптарын сақтау бойынша түсіндірме жұмыстары жүргізуде.
Жол инфрақұрылымы — ел экономикасының маңызды әрі күрделі саласы. Бүгінде Қызылорда қаласында осы бағыттағы жұмыстар қарқынды жүргізілуде. Бұл туралы Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов мәлімдеді.
Нарық бағасынан 15 пайызға арзан! Шаруаларға дизель отыны осындай жеңілдікпен берілгелі тұр. Ал дизель отынын жеткізу мен өткізу жөніндегі операторларды анықтау үшін конкурстық рәсімдерді жүргізу тиіс. Әйтседе, бұл жұмысты жалғыз Қызылорда облысынынан басқа бірде-бір әлі жүргізбеген. Энергетика министрі осылай дейді.
Облыс әкімі Нұрлыбек Нәлібаевтың төрағалығымен кадрлық өзгерістерге байланысты мәжіліс өтті. Жиында «Арал-Сырдария» бассейндік инспекциясының жаңа басшысы таныстырылды. Бұл лауазымға осыған дейін инспекция басшысының орынбасары қызметін атқарған Зейнулла Қазтоғанов тағайындалды. Зейнулла Молдағалиұлы 1972 жылы Арал ауданында дүниеге келген. Еңбек жолын 1998-1999 жылдары Су ресурстары комитеті «Арал-Сырдария» бассейндік су шаруашылығы бірлестігінің инженері болып бастаған. Кейін әр жылдары Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясында түрлі қызметте болған. Осы күнге дейін инспекция басшысының орынбасары қызметін атқарып келді. Өңір басшысы Зейнулла Қазтоғановтың жаңа қызметіне сәттілік тілеп,бірқатар міндеттерді айқындап берді.
