Арнаулы әлеуметтік қызмет – бұл жай ғана көмек емес, бұл – қоғамның әлсіз мүшелеріне деген құрмет, қамқорлық пен адамгершіліктің көрінісі. Бұл жүйе арқылы мемлекет әрбір азаматын назарда ұстап, ешкімді жалғыз қалдырмайтынын дәлелдеп отыр. Кешенді жұмыс Қазығұрт ауданында да жалғасын тауып отыр.
Мемлекет тарапынан әлеуметтік әлсіз топтарға, әсіресе мүгедектігі бар азаматтарға көрсетіліп жатқан көмектің нақты әрі тиімді үлгілерінің бірі – Арнаулы әлеуметтік қызмет көрсету орталықтары. Бұл мекемелердің басты мақсаты – көмекке мұқтаж азаматтарға тек материалдық емес, психологиялық, медициналық және тұрмыстық қолдау көрсету арқылы олардың өмір сапасын арттыру.
Қоғамдағы әрбір адам – назардан тыс қалмауы тиіс. Әсіресе көмекке мұқтаж, күтімді қажет ететін мүгедектігі бар азаматтарға көрсетілетін жан-жақты қолдау – мемлекет саясатының маңызды бағыты. Қазығұрт ауданында бұл бағытта нақты жұмыстар атқарылып келеді.
Баласының мүгедектігіне мойымай, өмірін соған арнаған аналар – төзім мен мейірімнің тірі мысалы. Олар күнделікті тіршілікте тек ана емес, дәрігер, күтуші, педагог, тіпті психолог рөлін қатар атқарады. Осындай жандардың бірі – Ордабасы ауданында тұратын Майра Әмір. Ол ұлының күтіміне бар уақытын арнап, мемлекеттен бөлінетін көмек пен жәрдемнің арқасында күн сайын үмітпен өмір сүріп келеді. Арнайы құрал-жабдықтар, ай сайынғы төлемдер, әлеуметтік көмек – бәрі осы отбасының өмір сүру сапасын жақсартуға бағытталған. Ал бұл қолдаудың артында – Жұмыспен қамту бөлімінің жүйелі еңбегі тұр.
Ордабасы ауданындағы «Шапағат» әлеуметтік қызметтер көрсету орталығы – мүгедектігі бар азаматтар үшін өмірді жаңа қырынан тануға мүмкіндік беретін ерекше кеңістік. Бұл мекеме тек әлеуметтік көмек көрсетумен шектелмейді. Мұнда адамдар өз уақытын тиімді өткізіп, спортпен айналысып, шығармашылықпен шұғылданып, өзіне деген сенімін қайта қалыптастырады.
Түлкібас ауданында әлеуметтік әлсіз топтарға көрсетілетін қолдау жылдан жылға жақсарып келеді. Әсіресе үй жағдайында көрсетілетін әлеуметтік қызметтер – көмекке мұқтаж жандардың өмір сапасын арттырып, жалғыз еместігін сезіндіретін үлкен бастама. Мұндай қамқорлықты «Түлкібас ауданы әкімдігінің жұмыспен қамту және әлеуметтік бағдарламалар бөлімінің «халыққа қызмет көрсететін аудандық аумақтық орталығы» коммуналдық мемлекеттік мекемесі» жүйелі түрде жүргізіп келеді.
Түлкібас ауданында ерекше қажеттілігі бар жандарға арналған «Тең қоғам» әлеуметтік орталығының екі бірдей бөлімі жұмыс істейді. Бұл орталықтар – мүмкіндігі шектеулі азаматтардың әлеуетін ашып, қоғаммен тығыз байланыста өмір сүруіне жол ашатын орын. Мұнда тіркелгендердің дені – 18 жастан асқан мүгедектігі бар жандар. Оларға арналған қызметтер күн сайын жетілдіріліп, жүйелі түрде жүзеге асырылуда.
Ордабасы ауданында мүгедектігі бар азаматтарға және ерекше күтімді қажет ететін балаларға арналған әлеуметтік қолдау шаралары кезең-кезеңімен жүзеге асырылып келеді. Бұл бағытта мемлекет тарапынан нақты әлеуметтік саясат қалыптасқан. Заң аясында бекітілген көмектер мен қызметтер жүйелі түрде халыққа жеткізіліп отыр. Әлеуметтік қызметтің бұл түрлерін аудандық Жұмыспен қамту және әлеуметтік бағдарламалар бөлімі үйлестіреді.
Түлкібас ауданындағы мүгедектігі бар балаларға арналған оңалту орталығы – бүгінгі таңда ата-аналар үшін де, балалар үшін де үлкен сенімге ие мекеме. Облыс көлемінде өз тиімділігімен көзге түсіп, көп баланың өміріне оң өзгеріс алып келген орталық осы күнге дейін ондаған жыл бойы үздіксіз қызмет көрсетіп келеді.
Түлкібас ауданындағы мүгедектігі бар балаларды оңалту орталығы – талай отбасына үміт сыйлаған мекен. Мұнда тек арнайы мамандар ғана емес, жан жылуын бере алатын жандар еңбек етеді. Әрбір баланың жағдайы ескеріліп, бағдарлама нақты диагнозға сай жасалады. Сәйкесінше даму процесі де нәтижелі болуда. Мұны ата-аналардың сөзі де, балалардың жетістігі де айқын дәлелдеп тұр.
