Түркістан облысының спортшылары биыл ерекше табысқа қол жеткізді. 2025 жылдың тоғыз айының қорытындысы бойынша жерлестеріміз ел чемпионаттарында 1060, Азия біріншіліктерінде 109, ал әлем чемпионаттарында 79 медаль жеңіп алды. Осыған орай жеңімпаздардың бір тобына Түркістан облысының әкімі Нұралхан Көшеров құрмет көрсетіп, жаңа автокөліктердің кілтін табыстады.
Отырар ауданына қарасты Балтакөл ауылының 60 жылдық мерейтойы ауыл тарихындағы айтулы әрі есте қаларлық оқиға ретінде аталып өтті. Таңы арайлы, түні тыныш мекенге айналған Балтакөлдің алты онжылдық ғұмыры — еңбек пен бірліктің, татулық пен тірліктің шежіресі іспеттес.
Түркістан музыкалық драма театры жаңа маусымын Олимпиада чемпионы Бекзат Саттархановтың өміріне арналған қойылыммен ашпақ. Премьера алдында театр ұжымы БАҚ өкілдерімен кездесіп, дайындық барысын таныстырды. «Бекзат» драмасы – спортшының өмірі мен рухын сахнада жаңғыртатын ерекше туынды.
Түркістан қаласында ауыл мәдениетін дамытуға бағытталған дәстүрлі «Ауыл – мәдениеттің бастауы» облыстық байқауы басталды. Рухани құндылық пен халық шығармашылығының қайнар көзі саналатын ауыл мәдениетінің дамуына серпін беруді мақсат еткен шараға өңірдің барлық аудан-қалаларынан қатысушылар жиналды
Түркістан облысында мәдениет саласының әлеуеті артып келеді. Театр, кітапхана және музейлерге келушілер саны өткен жылмен салыстырғанда айтарлықтай көбейген. Бұл бағыттағы жұмыстар облыс әкімінің тікелей бақылауында. Өңір басшысы Нұралхан Көшеров мәдениет саласындағы кемшіліктерді дер кезінде анықтап, нақты шешім қабылдау қажеттігін атап өтті.
Түркістан облысында Мемлекет басшысының тапсырмасы бойынша жүзеге асып жатқан «Қазақ–Қазақстан экологиялық бағдарламасы» аясындағы жұмыстар тұрақты бақылауда. Өткен аптада өңір бойынша 200-ден астам тазалық шарасы ұйымдастырылып, оған 57 мыңнан астам тұрғын қатысты. Нәтижесінде 177 тоннадан астам қоқыс шығарылып, облыс елді мекендерінде санитарлық тазалық жұмыстары күшейтілді.
Бүгін Түркістан қаласында «Құқықтық мәдениет – жарқын болашақ кепілі» атты жастар форумы өтті. Форумның негізгі мақсаты – жастар арасында құқықтық мәдениетті арттыру, құқық бұзушылықтың алдын алу, ақпараттық қауіпсіздік мәселелерін талқылау және белсенді азаматтық ұстанымды қалыптастыру болды.
Түркістанда қаласында медицина саласының мамандарына арналған тағылымды семинар өтті. Шараның басты мақсаты – медицина қызметкерлері арасында ұлттық және рухани құндылықтарды насихаттау, қоғамда рухани тұрақтылықты сақтау және деструктивті діни ағымдардың ықпалынан сақтандыру болды. Жиынды Түркістан облысының Дін істері басқармасы мен облыстық Денсаулық сақтау басқармасы бірлесіп ұйымдастырды.
Түркістанда кәсіпкерлікті қолдау мен дамытуға бағытталған маңызды шара – «Даму» кәсіпкерлікті дамыту қорының «Ашық есік күні» өтті.Іс-шараны Қордың Түркістан облысы бойынша аймақтық филиалы ұйымдастырды.Басты мақсат – өңір кәсіпкерлеріне мемлекеттік бағдарламалар, қаржыландыру мүмкіндіктері мен бизнес жүргізудің тиімді тетіктері жөнінде жан-жақты ақпарат беру.
Түркістан қаласында қазақтың ұлы ойшылы, ақын Абай Құнанбайұлының шығармашылығын дәріптеуге арналған «Асыл сөзді іздесең – Абайды оқы, ерінбе!» атты әдеби байқау өтуде. Әдеби жобаға Түркістан қалалық Жастар ресурстық орталығы жетекшілік етуде. Байқаудың басты мақсаты – жастар арасында Абай мұрасын кеңінен насихаттау, көркем сөз оқу мәдениетін дамыту және жас ұрпақтың поэзияға, әдебиетке деген қызығушылығын арттыру
