Отырар ауданында мүгедектігі бар азаматтарды әлеуметтік қолдаудың нақты тетіктері іске асырылуда. Бүгінде ауданда 3247 мүгедектігі бар адам тіркелген. Олардың қоғамнан оқшау қалмауы, белсенді өмір сүруіне жағдай жасалып, еңбекке араласуына мүмкіндік беріліп отыр.
Қазіргі таңда Отырар ауданында мүгедектігі бар азаматтар өз кәсібін ашып, қоғам өміріне белсене араласып жүр. Қайтарымсыз гранттардың көмегімен түрлі салада жұмысын бастаған тұрғындар бүгінде табыс тауып қана қоймай, ауылдың әлеуметтік-экономикалық дамуына да үлес қосып келеді.
Мемлекет тарапынан көрсетіліп жатқан қолдау шараларының арқасында мүгедектігі бар жандар да еңбекке араласып, өз орнын табуға мүмкіндік алып отыр. Отырар аудандық Мансап орталығының бастамасымен дизайнерлік қабілеті бар Абылайхан Дүйсенбек те тігін цехына жұмысқа орналасып, бүгінде өз ісін дөңгелетіп отыр.
Қоғам өркениетті болудың басты өлшемі – әлсізге қолдау, мұқтажға қамқорлық. Осы ұстанымды берік ұстанған Отырар аудандық жұмыспен қамту және әлеуметтік бағдарламалар бөлімі ерекше қажеттіліктері бар азаматтардың әлеуметтік жағдайын жақсартып, өмір сапасын арттыру бағытында ауқымды жұмыстар атқарып келеді.
Халыққа әлеуметтік қызмет көрсету «Тең қоғам» КММ – Отырар ауданындағы қамқорлық пен адамгершілікті ту еткен мекемелердің бірі. Бұл орталықтың жұмысы — тек қызмет көрсету емес, әр адамның өміріне жан жылуын жеткізу, күн сайын үміт пен сенім сыйлау. Үйде әлеуметтік көмекке мұқтаж жандарға бағытталған бұл мекеменің қызметі – көптеген азаматтың өміріне демеу, жалғыздықта қалған көңілдерге серік.
Әке болу – тек атақ емес, жауапкершілік. Ал ерекше балаға әке болу – екі есе мейірім мен төзімді талап ететін тағдыр сыны. Осындай асқақ міндетті абыроймен атқарып жүрген жан – Барат Ақжігітұлы. Өмірінің бір бөлігі ішкі істер саласымен тығыз байланысты. Он жыл бойы ел тыныштығын күзетіп, қызметтік борышын адал атқарған азамат бүгінде қызын бағып-қағып, әр күніне шүкіршілік етіп отырған ардақты әке.
Отырар ауданында әлеуметтік әлсіз топтарға көрсетілетін көмек пен қолдау жыл өткен сайын жүйеленіп, нәтижелі іске айналып келеді. Аудандық жұмыспен қамту және әлеуметтік бағдарламалар бөліміне қарасты «Тең қоғам» халыққа әлеуметтік қызмет көрсету орталығы – осы игілікті істің басты тірегі.
Әрбір шаңырақтың бағына біткен перзент – ата-ана үшін өмірдің ең үлкен сыйы. Ал сол баланың тағдыры сынақпен қатар келсе, махаббат пен мейірім еселене түседі. Осындай жүрек жылуына толы шаңырақ – Ілиясовтар әулеті.
Халыққа әлеуметтік қызмет көрсету «Тең қоғам» КММ жанашырлық пен жауапкершілікті үйлестіре отырып, әрбір отбасына ерекше назар аударады. Әсіресе, мүмкіндігі шектеулі баланы бағып-қағып отырған ата-аналарға көрсетілетін әлеуметтік көмек – бұл орталықтың күнделікті міндеті ғана емес, адами миссиясы.
Қоғамда мүгедектігі бар азаматтарды жұмыспен қамту – әлеуметтік саясаттың маңызды басымдығы. Мемлекет осы санаттағы жандарға жан-жақты қолдау көрсетіп, олардың еңбек нарығына бейімделуіне мүмкіндік жасап келеді. Бұл бағытта Отырар аудандық Мансап орталығы тарапынан нақты әрі жүйелі шаралар қолға алынған. Сол қолдаудың нәтижесін сезінген жандардың бірі — Самат Шарап. Ол — мүгедектігі бар азамат. Өмірінің бір кезеңінде денсаулығына байланысты қиындыққа тап болып, тұрақты табыс көзінен айырылған. Біраз уақыт бойы жұмыссыз жүрген ол үмітін үзбей, өздігінен аудандық Мансап орталығына барып, жұмысқа орналасуға өтініш білдіреді.
