Қазақстандық теннисші Зарина Дияс Макондағы (Джорджия, АҚШ) турнирдің финалына шықты, деп хабарлайды Prosports.kz. Жартылай финалда қазақстандық Зарина Дияс бразилиялық Беатрис Хаддад-Маяны екі сетте 6:4, 6:1 есебімен жеңді. Финалда Дияс Мэдисон Бренглмен (АҚШ) кездеседі.
Су добынан Қазақстан құрамасы ерлер командалары арасындағы Ресей чемпионатына қатысып жатыр, деп хабарлайды Olympic.kz. Ресей чемпионаты аясында ерлер командалары арасында 6 кезең ойындары өтті. Додаданың кезекті кезеңінде Қазақстан ерлер құрамасы екі ойын өткізді. Қазақстан құрамасы Синтез командасымен кездесті. Екеуара кездесудің екі ойыны да Қазақстан үшін сәтті аяқталды. Бірінші кездесуде ел құрамасы қарсыласты 20:9 ұпайымен жеңсе, екінші ойын 19:4 есебімен отандастарымыздың еншісіне шешілді.
