Қызылорда облысы Полиция департаментінің қызметкері Дубайда өткен SWAT Challenge халықаралық жарысынан жүлдемен оралды. Сайыста 100-ден астам елдің күштік құрылымдарының арнайы бөліністерінің қызметкерлері бақ сынасқан. Биыл алғаш рет бұл жарыста ерлермен қатар әйелдер құрамасы қатысып отыр. «Томирис» командасы барлық сынақтан сәтті өтіп, ерлер командаларымен терезесі тең өнер көрсетті. Нәтижесінде әйелдер арасында Қазақстан құрамасы екінші орынды иеленді. Команда құрамында Сыр елінің тумасы полиция капитаны Төлекова Лаура Қарабекқызы болған. Полицей ару барлық сыннан сүрінбей өтіп, ерлермен иық теңестіре нәтиже көрсеткен.
Қызылордада “Жайлы мектеп” ұлттық жобасы аясында татымды тірліктер, жағымды жаңалықтар бар. Ал оқу-білім — үздіксіз дамуды талап етеді. Осылай деген Қызылорда қаласының әкімі Нұржан Ахатов БАҚ өкілдері қатысқан брифингте мәлімдеді.
Қызылорда облысында 4010 тонна балық өнімі 13 мемлекетке экспортталды. Осы орайда Халықаралық қолдаудың арқасында Арал теңізін қалпына келтіру , балық шаруашылығын дамыту жобалары іске қосылуда. Яғни, осы қарқынмен экологиялық тұрақтылықты қамтамасыз ету жұмыстары жалғаспақ. Ары қарай Сырдың сұлу жағлауынан әріптесім тарқатсын!
Қызылорда облысы халқының саныартуда. 2025 жылдың 1 қаңтарында адам саны 846,3 мың болса, оның ішінде қала халқы 398,4 мың адамды құраған. Ал ауыл аймақта өмір сүретін 447,9 мың халық бар. Сондай-ақ, өткен жылдың қорытындысы бойынша аймақтың әлеуметтік-экономикалық дамуында да өсім байқалады.
Жылу беру маусымы басталғалы Қызылорда облысында 76 өрт оқиғасы орын алған. Өрттің басым көпшілігі тұрғын үйлерден шыққан. Апат жағдайлар тұрғындардың өрт қауіпсіздік шараларына салғырт қарауынан пайда болған. Яғни, тұрмыстық пештердің техникалық жағдайына мән бермеу, балаларды қараусыз қалдыру сынды себептер бар. Бұл туралы ақпарат алаңында мемлекеттік өрт бақылау басқармасының бастығы Асхат Оразбеков хабарлады.
Аңдатпадан алдын айтқанымдай расында бүгін тарихи күн! Ақпарат кеңістігіне «77» телеарнасының тағы бір бөлімшесі қосылды. Арнамыздың тілшілері енді қазақылықтың қаймағы бұзылмаған Қызылорда өңірінен ақпар таратады. Филиал — облыстың рухани-мәдени бағыттағы дамуы, әлеуметтік салалар жайында эфир әзірлеп, үздіксіз үдесріске дайын. Бүгін сыр өңіріне аттанған әріптесім Бақдаулет Ерланұлы не дейді екен? Толығырақ сюжетте!
Ақпарат кеңістігіне «77» телеарнасының тағы бір бөлімшесі қосылды.
Арнамыздың тілшілері енді қазақылықтың қаймағы бұзылмаған Қызылорда өңірінен ақпар таратады. Филиал — облыстың рухани-мәдени бағыттағы дамуы, әлеуметтік салалар жайында эфир әзірлеп, үздіксіз үдеріске дайын.
Бүгінге дейін аймақта сұйытылған газ бағасы 65-75 теңгеден сатылды. Жалпы, Қызылорда облысында бірқатар өңірлермен салыстырғанда сұйытылған мұнай газының бағасы төмен. Бұл туралы Өңірлік коммуникациялар қызметінің ақпарат алаңында облыс әкімінің орынбасары Ардақ Зебешев мәлімдеді. Энергетика министрінің бұйрығына сәйкес, республикада сұйытылған мұнай газдың бағасы көтерілді. Жаңа түзетулерде облыс бойынша газ бағасы 90 теңгені, ал облыс орталығынан 200 шақырым қашықтықта орналасқан елді мекендерде 95 теңгені құрайды.
«Жыл басынан бастап әкімдік тарапынан бірнеше рет операторлармен мәжіліс өткізіліп, келісімге келдік. Біріншіден, қаңтар айында алынған газ ескі бағамен сатылуы керек. Еліміздің бірқатар өңірлерінде ақпан айы басталғаннан-ақ көтерілген бағамен сатуда. Дегенмен, өндіруші зауыттарда газдың бағасы 15 пайызға қымбаттауына байланысты, операторлар өз кәсібіне зиян келмес үшін жаңа бағамен сататын болады. Екіншіден, шекті бағадан 5 теңгеге төмендетіп, операторлар облыс орталығында газды 1 литр үшін 85 теңгеден, ал аудандарда 90 теңгеден сатуға ұсыныс білдірді. Жалпы ақпан айына министрлік тарапынан 7300 тоннаға жуық газ бөлінді. Оған қоса, энергетика министірлігімен келіссөздер жүргізіліп, ақпан айына қосымша 2000 тонна газ көлемі бөліну жоспарлануда. Бүгінде бұл мәселе әкімдіктің тұрақты бақылауында» — деді облыс әкімінің орынбасары Ардақ Темірханұлы.
Айта кетейік, Қазақстан бойынша сұйытылған мұнай газын тұтыну 2022 жылы 1,8 млн. тонна болса, 2024 жылы 2,4 млн тоннаға дейін жетті. Мысалы, аймағымызда 2022 жылы сұйытылған мұнай газын тұтынатын 7 290 автокөлік тіркелсе, 2024 жылы 35 690 автокөлік тіркелген, яғни газ тұтынушыларының саны 5 есеге артқан. Одан бөлек, сұйытылған газ өндірісінің өзіндік құны тоннасына 63-65 мың теңгені құрайды. Ал өндіруші зауыттар үшін шекті көтерме баға тоннасына 51 932 теңге деңгейінде белгіленген.
