Жамбыл политехникалық жоғары колледжі халықаралық әріптестік аясын кеңейтуде. Бүгін оқу орнына Ресей делегациясы арнайы келіп, колледждің тыныс-тіршілігімен танысты. Тараптар білікті маман даярлауда тәжірибе алмасып, ортақ жобаларды жүзеге асыруды талқылады.
Республика күні қарсаңында Тараз қаласындағы «Баласағұн» концерт залында мерекелік салтанатты жиын өтті. Ел тәуелсіздігі мен бірлігін ұлықтайтын айтулы шараға Жамбыл облысының әкімі Ербол Қарашөкеев қатысып, өңір тұрғындарын құттықтады.
Кентау қаласында тұрғындарды баспанамен қамту бағытындағы жұмыстар жалғасып келеді. Тұрғын үй кезегінде тұрған азаматтарға арналған үш қабатты ипотекалық үйлер салынып, пайдалануға берілуде. Соның бірі — Шоқан Уәлиханов көшесіндегі жаңа тұрғын үйлер. Баспаналы болуды көптен күткен азаматтарға ұсынылған бұл пәтерлер тұрғын үй жағдайын жақсартуға мүмкіндік береді. Ал жеңілдетілген ипотекалық бағдарламалар халықтың баспанаға қол жеткізуіне қолдау көрсетуді көздейді.
Кентау қаласында бұған дейін күрделі жөндеуді қажет еткен бірқатар көпқабатты тұрғын үй жаңартылып, 2024 жылы халық игілігіне берілді. Жылдар бойы тозығы жеткен ғимараттар қайта қалыпқа келтіріліп, тұрғындарға жайлы жағдай жасалды. Бүгінде бұл үйлерде отбасылар тұрып жатыр. Жаңарған баспаналардың ішкі және сыртқы келбеті жақсарып, тұрғындардың көңілінен шыққан.
Кентау қаласында спорт инфрақұрылымын дамыту бағытындағы жұмыстар жалғасуда. Қалада дене шынықтыру-сауықтыру кешенінің құрылысы жүргізіліп жатыр. Жаңа нысан тұрғындардың спортпен шұғылдануына қолайлы жағдай жасап, бұқаралық спорттың дамуына серпін бермек.
Түркістанда қала күні қарсаңында «Диуани хикмет» аймақтық байқауы өтті. Қожа Ахмет Ясауидің рухани мұрасын ұлықтаған сайысқа өңірлерден 36 үміткер қатысып, өзара бақ сынады. Байқаудың негізгі мақсаты – хикметтерді кеңінен насихаттау, ұлттық құндылықтарды дәріптеу және жас ұрпақтың рухани танымын арттыру.
Түркістанда жазушы Айгүл Ахметханқызының «Екі кітап. Екі әлем. Бір тағдыр» атты авторлық еңбектерінің тұсаукесері өтті. Кітаптардың бірі басқару мен көшбасшылық тақырыбын қамтыса, екіншісі адам өмірі мен тағдырын, ой мен сезімді арқау етеді. Рухани кеште оқырман қауымға автордың шығармашылық ізденісі мен еңбектерінің мазмұны таныстырылды.
Түркістанда Құтқарушылар күніне орай салтанатты шара өтті. Жиында төтенше жағдайлар саласының мамандарына құрмет көрсетіліп, олардың ел қауіпсіздігін қамтамасыз ету жолындағы еңбегі дәріптелді. Толығырақ алдағы сюжетте
Түркістан облысында кәсіпкерлікті дамытуға бағытталған кездесу өтті. Жиында жергілікті кәсіпорындардың жұмыс тиімділігін арттыру, халықаралық сарапшылардың тәжірибесін пайдалану, бизнесті қаржыландыру және цифрландыру мәселелері сөз болды. Кездесуге Кәсіпкерлер палатасының өкілдері, халықаралық ұйым мамандары, банк қызметкерлері мен кәсіпкерлер қатысты.
Таразский городской филиал партии «Әділет» совместно с Департаментом по чрезвычайным ситуациям Жамбылской области организовал встречу молодых спасателей и наставников с молодежью города, приуроченную ко Дню спасателя.