Жамбыл облысы бойынша ҚАЖ департаментіне қарасты ЖД-158/7 мекемесінің теологы әділет аға лейтенанты Н.Желдібаевтың ұйымдастыруымен топтық кездесу өтті. Онда Жамбыл облысы әкімшілігі Дін істер басқармасының теологтары Д.Е. Джакипов және А.К.Құлымбетов және «Һибатулла-Тарази» мешітінің наиб имамы Нұрәлі Бақытұлы мекемедегі сотталғандармен кездесіп «Неке және отбасы», «Діндегі мәзхаб ұғымы» тақырыбында сотталғандармен ашық сұхбаттасып, кәсіби маманнан мол мағлұмат алу баршаға ерекше әсер сыйлады. Кездесуден сотталғандар имани сусындалып, көкейлерінде жүрген біраз сұрақтар қойып, ұғымды жауаптар алды. Тек мұнымен ғана шектелмей сотталғандарды дәрістен соң жеке сұрақпен қабылдап, қосымша түсіндірме жұмыстары жүргізілді. Бірер сағатқа созылған сұхбат баршаның көңілінен шықты деуге толық негіз бар, олай деуімізге абақтыда айыбын өтеушілердің тағы да осындай жиындардың көптеп өтуіне сұраныс білдіруі сеп. Кездесудің басты мақсаты- сотталғандардың теріс ағымның жетегінде кетуіне жол бермеу.
Діни сауатсыздық соңы сан соқтырып, опық жегізуі ықтимал. Онымен күрес жолында қыруар жұмыс, көп күш жұмсалуы тиіс, деседі маман.
Жамбыл облысы бойынша ЖД-158/7 мекемесінің
теологы әділет аға лейтенанты Н.Желдібаев
Жамбыл облысы бойынша Қылмыстық –атқару жүйесі департаментіне бағынысты ЖД-158/7 мекемесі бастығының міндетін атқарушы, әділет подполковнигі Құрманалиев Жасұлан Сәкенұлы департаментте өткен жалпыға бірдей декларациялау мәселесіне қатысты жиынға бейнебайланыс арқылы қатысты. Жиынға Жамбыл облысы бойынша ҚАЖ департаментінің бастығы, әділет полковнигі Рыспаев Нияз Қанатұлы, департамент бастығының орынбасары әділет полковнигі Ескеев Бекболат Бөгенбайұлы және Тараз қаласы бойынша Мемлекеттік кірістер басқармасының бас маманы Ғазиз Рахымбердиев қатысты. Ғ. Рахымбердиев жалпыға бірдей декларацияның мақсаты жайында сөз қозғады. Қазақстанда өткен жылдан бастап азаматтардың табыстары мен мүлкін жалпыға бірдей декларациялауды енгізу басталды. Жалпыға бірдей декларацияның басты мақсаты- көлеңкелі экономикамен күрес, сыбайлас жемқорлыққа қарсы құралды қалыптастыру әрі ел бюджетін толықтыру. Жалпыға бірдей декларациялауға елдің әрбір азаматының өмірін жақсартудың көптеген мүмкіндігі кіреді, -деді маман өз сөзінде.
ЖД-158/7 мекемесінің КСБ бастығы
әділет майоры Ғ.Құлымбетов.
Тараздағы ерекше режимдегі ЖД-158/7 мекемесіндегі жазасын өтеп жатқан сотталғандар арасында 8-наурыз мерекесіне орай сурет салудан байқау өтті. Байқау барысында өз өнерлерін ортаға салып, өздерінің жүрек қалауымен түрлі бейнелерді, аналарына деген ыстық сағыныштарын қағаз бетіне түсірді. Олардың қылқаламынан туған әр дүниеге қарасаң, көз тоймайды. Жазасын өтеушілер аналарына арнап сурет салып, өлең шумақтарын шығарып, оларды хат арқылы жолдап құттықтады. Байқауға қатысқан жазасын өтеушілерге алғыс хаттар тарту етілді.
Аталған іс-шараның негізгі мақсаты-сотталғандар арасында отбасылық байланысты нығайту, олардың түзелу процесінде ықпал етуге бағытталған тәрбиелік жұмысты жандандыру.
ЖД-158/7 мекемесінің САТЖБ бастығы
әділет капитаны М.Құрманқұл
Жамбыл облысы бойынша ҚАЖ департаментіне қарасты ЖД-158/7 мекемесі бастығының міндетін атқарушы әділет подполковнигі Ж.С. Құрманалиев және мекеменің сотталғандардың жұмысын ұйымдастыру тобының аға инспекторы әділет капитаны А.К. Кубеева, Жамбыл облысы бойынша ҚАЖ департаментінің сотталғандардың жұмысын ұйымдастыру тобының бастығы әділет подполковнигі Аймен Ақылбекқызы Тайтелиеваның жетекшілігімен мекеме аумағында өз өндірісін ашқан жеке кәсіпкерліктердің әйелдер қауымының 8-Наурыз Халықаралық Әйелдер күніне арналған мерекелік құттықтау іс-шарасын өткізді. Кәсібін дөңгелетіп отырған азаматтарға мекеме бастығының міндетін атқарушы әділет подполковнигі Ж.С. Құрманалиевтың бұйрығымен Алғыс хаттармен марапатталды. Жамбыл облысы бойынша ҚАЖ департаментінің сотталғандардың жұмысын ұйымдастыру тобының бастығы әділет подполковнигі Аймен Ақылбекқызы Тайтелиеваның айтуынша, жаза басып, жаңылғандарды қоғамға бейімдеп, еңбекке баулу мекемеде бірінші кезекте жолға қойылған.
Қазіргі таңда 12 кәсіпкерлік нысанда келісім-шарт негізінде сотталғандар жұмыспен қамтылған. Алдағы уақытта жазасын өтеушілерді көбірек еңбекке тартып, 100 пайыз жұмыспен қамту жоспарланған дейді әділет капитаны А.Кубеева.
ЖД-158/7 мекемесінің СЕҰТ аға инспекторы
әділет капитаны А.К. Кубеева.
Ағымдағы жылдың 22-ақпаны күні Жамбыл облысы бойынша Қылмыстық-атқару жүйесі департаментінің ЖД-158/7 мекемесінің жедел бөлімінің қызметкерлері мен Жамбыл облыстық криминалдық полиция басқармасының қызметкерлерімен бірлесіп, қаланың ішкі және қаланың сыртқы аумағында күнделікті қару жарақтар мен оқ-дәрілерді іздестіру жұмыстарын жүргізу барысында Арай мөлтек ауданында құрылыс үйіндісінің астынан пакетке оралған 38 /9мм/ дана, 22 /16мм/, 11дана оқ-дәрілері, 1дана жауынгерлік тапанша 17/9мм/ оқ-дәрілерімен және 1дана жеңіл шулы гранатасы табылды. Аталған оқ-дәрілер мен қару-жараққа арнайы сот-баллистикалық сараптамасы тағайындалды.
Қазіргі уақытта мөлтек аудандардағы барлық көп қабатты тұрғын үйлердің жертөлелері, шатырлары, ауладағы люктер, қараусыз тұрған нысандар және құрылысы жүріп жатқан нысандар тексерілуде.
ЖД-158/7 мекемесінің жедел бөлім бастығы
әділет майоры
Т. Ж. Искендиров
Бүгініңді бүлдіріп қана қоймай, болашағыңа да балта шабатын 10жылға созылған бұл соғыстың аяқталғанына да 33 жыл болыпты. Дәл осы күні, яғни 1989 жылдың 15 ақпанында Кеңес әскерлерінің Ауғанстан жерінен щыққан күні.
Ардагер азаматтар қашанда жастарымызды отансүйгіштікке баулитын бірден-бір өмір мектебі, ізбасарлары болып қала бермек. Осыған орай, Жамбыл облысы бойынша ҚАЖ департаментіне қарасты ЖД-158/7 мекемесі бастығының орынбасары әділет подполковнигі Ғ.Б. Тлепов және кадр саясаты тобының бас маманы әділет майоры Ғ.Т. Құлымбетовтың бастамасымен Ауған соғысының ардагері Сағынбайұлы Асылбектің шаңырағына арнайы барды. Кездесуде ҚАЖ қызметкерлері ардагерге құрмет көрсетіп, жүрекжарды ыстық лебіздерін жеткізіп, соғыс жүрегіне өшпес жара салған азаматтарға құрмет көрсету ардайым біздің қасиетті парызымыз деп шын жүректен ризашылықтарын білдірді.
Бұл күн-көңілде сызы, жүректе ізі қалған ауыр да азапты жылдар мен өткелегі мол өткенді естелік қылып және оны көңілге кесте қылып тоқу ғана емес, сол кездегі ана сүті аузынан кеппеген түбіт иек бауырларымызды да еске алар күн!
Әрине, базбіреулер үшін бұл күн қатардағы күннің бірі ғана шығар, ал біз үшін-тарихи күн! Тағдырлы күн!
Тәуелсіз елімізде татулық пен бірлік болсын.
ЖД-158/7 мекемесінің БАҚ жауапты қызметкері
Бүгін Жамбыл облысы бойынша Қылмыстық-атқару жүйесі департаментінің ЖД-158/7 мекемесінің жедел бөлімінің қызметкерлері мен Жамбыл облыстық криминалдық полиция басқармасының қызметкерлерімен бірлесіп, қаланың ішкі және қаланың сыртқы аумағында күнделікті қару жарақтар мен оқ-дәрілерді іздестіру жұмыстарын жүргізу барысында Жамбыл ауданы, Бәйтерек ауылы маңында қараусыз қалған 1 қабатты құрылыстың артқы жағынан 88 дана 5х45 калибрлі оқ-дәрілерін тапты. Табылған оқ-дәрілерге арнайы сот-баллистикалық сараптамасы тағайындалды.
Одан бөлек, мөлтек аудандардағы барлық көп қабатты тұрғын үйлердің жертөлелері, шатырлары, ауладағы люктер, қараусыз тұрған нысандар және құрылысы жүріп жатқан нысандар тексерілуде.
ЖД-158/7 мекемесінің жедел бөлім бастығы
әділет майоры
Т. Ж. Ескендиров
Жамбыл облысы бойынша Қылмыстық –атқару жүйесі департаментіне қарасты ЖД-158/7 мекемесінде Қазақстан Республикасында орын алған төтенше жағдай кезінде Жамбыл облысы бойынша Қылмыстық-атқару жүйесінің қалыпты жағдайын қамтамасыз етуде белсенділік танытып, қызметтік міндетін мінсіз атқарған мекеме қызметкері әділет капитаны Қуандық Байболат Ерболатұлының ата-анасы Қуандық Ерболат Абдрахманұлын батыл азамат тәрбиелеп, өсіргені үшін Жамбыл облысы бойынша Қылмыстық-атқару жүйесі департаментінің бастығы әділет полковнигі Н.Қ. Рыспаевтың алғыс хатымен марапатталды. Күшейтілген режимде жұмыс істеу оңай емес. Дегенмен өз кезегінде марапатталған қызметкерлер әрқашан отан үшін, халықтың амандығы үшін қоғамдық қауіпсіздіктің сақталуы жолында қызмет етуге дайын екендіктерін жеткізді.
Елімізде орын алған қиын жағдайда көрсетілген батылдық пен батырлық біздің жадымызда мәңгі қалады және құқық қорғау органдары қызметкерлерінің болашақ ұрпақтарына үлгі болады.
ЖД-158/7 мекемесінің БАҚ-қа жауапты қызметкері
Қылмыстық дерек Тараздағы түзеу орындарының бірінде орын алған. Адамнан айла артылғанба…Темірдей тәртіп,қатаң қағиданы қатал ұстанатын ерекше режимдегі ЖД-158/7 мекемесінің ережесін бұзып, заңға томпақ келер әрекетке баратындар азаймай тұр. Ағымдағы жылдың 27 желтоқсан күні келіп түскен жедел ақпарат бойынша мекеменің жедел — режим бөлімінің қызметкерлері және 5513 әскери бөлімінің бақылаушыларының қамаудағыларға келіп түскен сәлем-сауқатты тексеру барысында көңілге күпті, күдікті заттар көзге ілінді. Қызметкерлер кіруге тиісті заттарды жіті тінту кезінде 55 дана болатын атауы жоқ белгісіз ақ түсті конфеттер анықталып, оларды ашу барысында қара қоңыр түсті спецификалық иісі бар зат тәркіленді. Атаулы сәлемдеме Тараз қаласы, Құмшағал ауылы, Үшқоңыр көшесі, 38/2 үйде тұратын, бұрын сотты болмаған 1966 ж.т. азамат Н.Е.Р.-дан ҚР ҚК 188б., 3т., бойынша сотталған Н.Ж.Д.-ге жолданыпты. Тәркіленген затты анықтау үшін сот-химиялық сараптама тағайындалып, маман қорытындысы бойынша тәркіленген зат 68,83граммды құрайтын «гашиш» есірткі заты анықталды.
Осы факт бойынша Жамбыл облысы бойынша Тараз қалалық Полиция департаментінің 1-полиция басқармасының жедел тергеу тобы шақыртылып, қылмыстық іс қозғалды, азамат Н.Е.Р. ары қарай тиісті жазаға тартылу үшін ұсталып табысталды.
ЖД-158/7 мекемесінің БАҚ
жауапты қызметкері
Егемен еліміз 16 желтоқсанда салтанатты жағдайда Ұлттық мереке –Тәуелсіздік күнін атап өтеді. Қазақстандықтар алмағайып өтпелі кезеңнің барлық қиындықтарын жеңіп, әлемдік сахнаға көтерілді. Республикамыздың осындай биіктіктерді бағындыруына барлық адамдар сүбелі үлес қосып келеді. Халқымыздың ғасырлар бойы аңсаған Тәуелсіздігіне ие болғанымызға биыл 30 жыл толып отыр.
Жамбыл облысы бойынша Кылмыстық-атқару жүйесі департаментіне қарасты ЖД-158/7 мекемесінде Қазақстан Республикасы Тәуелсіздігінің 30 жылдығына арналған мерекелік іс-шара өтті. Іс-шараға мекеме басшылығы, жеке құрам және бұқаралық ақпарат құралдарының өкілі қатысты. Мерекелік жиында мекеме бастығы және оның орынбасары сөз сөйлеп ашып, іс-шараға қатысушыларды атаулы мейраммен құттықтады. Мерекеге орай, ерекше көзге түсіп, жақсы нәтижелерге қол жеткізгені үшін бірқатар қызметкерлер мекеме бастығының грамотасымен марапатталды және де ынтымақтастық кезінде көмек көрсеткені , қызмет барысында жәрдемдескендері үшін Тараз қаласының 77-арнасының бас редакторы Созақбаева Перизат Қуатқызы және журналист Пралиева Айгул Бақбергенқызы марапатталды.
Бүгін біз жерінің асты ырғын байлыққа, жерінің үсті парасатты халыққа толы Қазақстан елі Тәуелсіздігінің 30 жылдығын зор салтанатпен атап отырмыз. Көк туын желбіреткен, Әнұранын шалықтатқан еліміздің барша азаматтарына береке-бірлік, жасампаз еңбек, толағай табыстар тілейміз.
ЖД-158/7 мекемесінің КСБ бастығы
әділет майоры Ғ.Т. Құлымбетов
