Жамбыл облысында алғаш рет аймақ халқы денсаулығына байланысты мәліметтер базасын біріктіретін ахуалдық орталық ашылды. Өңірлік денсаулық сақтау басқармасының басшысы Жанар Оспанованың бастамасымен ашылған орталық емханалық, стационарлық және медициналық көмектің сапасы мен ашықтығын жақсартуға ықпал етпек.
Соңғы күндері ауа-райының күрт жылынуына байланысты қалың қар еріп, соның салдарынан еріген қар Көкқайнар ауылына жайылған. Ауылдың шығыс жағынан алқаптардан және шекаралас жатқан Қордай ауданының егістік алқабынан еріген қар суы Шу ауданының бірнеше ауыл тұрғындарының ауласын жайлаған. Осыған байланысты аудандағы төтенше жағдайлар бөлімінің қызметкерлері мен жауапты мамандар аталған ауылға барып, тиісті жұмыстарды атқарды.
Тараз қаласы Полиция басқармасына облыс орталығының тұрғындары белгісіз ер адамның тест қабылдау орталығында мемлекеттік тесттен өтуге көмектесемін деп, сенімдеріне кіру арқылы қомақты қаржыларын иемденіп кеткені туралы арызданған. Келтірілген жалпы шығын көлемі 1 млн теңгені құрайды.Аталған дерекке қатысты ҚР ҚК-нің 190-бабы 3-бөлігі 4-тармағымен сотқа дейінгі тергеу амалдары басталды. Полиция қызметкерлерімен жүргізілген жедел-іздестіру жұмыстарының нәтижесінде осы қылмысқа қатысы бар 26 жастағы Тараз қаласының тұрғыны анықталып, ұсталды.Күдікті кінәсын толық мойындап, уақытша ұстау абақтысына қамаққа алынды. Ол жәбірленушілерге өзін қаладағы тест орталықтарының бірінде бақылаушы болып жұмыс істеймін деп таныстырған. Мемлекеттік тестілеуден өту, эссе дайындау сияқты қызметтерге жеке-жеке төлем алып, алайда сынақ уақтысында көмектеспей, бойтасалаған. Қазіргі уақытта күдіктінің осыған ұқсас басқа да қылмыстарға қатыстылығы тексерілуде. Жамбыл облысы Полиция департаменті тұрғындарды қандай да бір келісім жасау алдында қызмет көрсетуші туралы мәліметтерді жан-жақты анықтап, заңды түрде орындалуын талап ету керектігін ескертеді. Егер, Сіз осындай алаяқтық деректеріне тап болсаңыз, дер кезінде жергілікті полиция бөліміне хабар беріңіз.
