ЖАМБЫЛДЫҚТАР ХАЛЫҚ ҚАҺАРМАНЫ ҒАЗИЗ БАЙТАСОВТЫ ЕСКЕ АЛДЫ

Жыл сайын Жамбыл облысында полиция қызметкерлері Халық Қаһарманы Ғазиз Байтасовтың қаза тапқан күніне арнайы еске алу шараларын өткізеді. Дәстүр бойынша биылғы еске алу күні Б.Момышұлы атындағы «Жеңіс» саябағында гүл шоқтарын қоюдан басталды. Оған Жамбыл облысы Полиция департаментінің басшылығы, Ғ. Байтасовтың туыстары, Жамбыл облысы мемлекеттік органдарының өкілдері, Ішкі істер органдарының ардагерлері қатысты.