ШУ АУДАНЫНДА ЖЫЛҚЫЛАРДЫ БІРДЕЙЛЕНДІРУ ЖҰМЫСТАРЫ ЖҮРГІЗІЛУДЕ

Далақайнар ауылында 684 жылқы тіркеліп, қазіргі уақытта олардың 320 басы чиптеліп, есепке алынған. Бұл маңызды жұмысқа Шу ауданы әкімінің орынбасары Серікхан Пернеш, аудандық ауыл шаруашылығы бөлімінің басшысы Қайсар Құттыбеков және ауыл әкімі Болат Ошанов қатысты. Чиптеу жұмыстарының тиімділігін арттыру мақсатында, Серікхан Қуатұлының бастамасымен түсіндіру жұмыстары ұйымдастырылып, аудан тұрғындарына бұқаралық ақпарат құралдары арқылы кеңінен хабарландыру жүргізілуде.