Н: НҰРЖІГІТОВ АУДАН АКТИВІНІҢ ЖҰМЫСЫНА «ТИІМСІЗ» ДЕГЕН БАҒА БЕРДІ
1 min read
Шу ауданына жұмыс сапарымен барған облыс әкімі Нұржан Нұржігітов аудан активіне жаңа басшыны таныстырып болып, ауданның 2025жылға дейінгі даму жоспарымен танысты. Жиында аудан әкімінің орынбасары баяндама жасады. Жауаптының айтуынша, өткен жылы өнеркәсіпте өндірілген өнім – 87,7% пайызды,ауыл шаруашылығының өнімі –114,5% пайызды құраған. Сондай-ақ 2025 жылға дейін 185,7 млрд теңгені құрайтын 165 инвестициялық жоба қолға алынып, 1221 жаңа жұмыс орны құрылмақ. Бұдан бөлек, басқа салалардағы жүйелі жоспарларды таныстырып, өзекті проблемаларды тілге тиек етті.
