ЖАМБЫЛ ОБЛЫСЫНДА АЛҒАШҚЫ ҚЫЗДАР МЕДРЕСЕСІ АШЫЛДЫ

Жамбыл облысында алғаш рет қыздар медресесі ашылды. Айша бибі ауылында орналасқан білім ошағында ендігі оқу жылынан бастап 50 оқушы білім ала алады. Білімгерлер республика бойынша 9 сыныптан бастап оқуға қабылданады. Ол үшін жатын орны да жасақталған. Оқу орны жеке кәсіпкерлердің демеушілігімен салынған. Салтанатты шараға Бас мүфти мен облыс әкімінің орынбасары арнайы қатысып, жиылғандарды мерейлі күнмен құттықтады.