ШУ ҚАЛАСЫНЫҢ БЮДЖЕТІ ҮШ ЕСЕ АРТТЫ
1 min read
Ер балалары еңбек сабағын оқымайтын ауыл. Көкқайнар ауылдық округінің балалары құрал-сайманнан құр алақан ескі мектепте барлық пәнді бірдей меңгере алмай жүр. Ал, Шу қалалық емханасында кадр жетіспейді. Өйткені ауыл мен моноқаланың санатына кірмейтін Шу қаласында жас мамандарға көмек берілмегендіктен, дәрігерлер тұрақтамайды. Бұдан өзге мәселелер облыс әкімінің Шу ауданына жұмыс сапары аясында өткен халықпен кездесуінде айтылды. Әсіресе Шу қаласында қордаланған мәселе көп. Осыған орай Нұржан Нұржігітов қала бюджеті 3 есеге артқанын айтты. Негізгі мәселелерді назарға алып, керек жағдайда облыс дәргейінен қолдау болатынын жеткізді.
