МЕРЗІМДІ ӘСКЕРИ ҚЫЗМЕТКЕ ШАҚЫРУ ҚОРЫТЫНДЫСЫ ТАЛҚЫЛАНДЫ

Облыстық әкімдікте облыс әкімінің бірінші орынбасары Нұржан Календеровтың төрағалығымен жиын өтіп, онда 2022 жылдың көктемінде мерзімді әскери қызметке шақыру қорытындылары мен күзгі шақырылымдағы міндеттер қаралды. Шараға денсаулық сақтау, жергілікті полиция қызметі, ҰҚК шекара қызметі, Ұлттық ұлан және облыстық қорғаныс істері жөніндегі департамент өкілдері қатысты. Кездесуге аудан әкімдіктері де онлайн арқылы қосылды.