ТАРАЗДА ӘСКЕРИ ҚЫЗМЕТШІЛЕРДІ ӘЛЕУМЕТТІК ҚАМТАМАСЫЗ ЕТУ МӘСЕЛЕЛЕРІ ТАЛҚЫЛАНДЫ

Тараз қаласына жұмыс сапарымен Қорғаныс министрлігінің басшылық өкілдері келіп, бірқатар маңызды кездесулер өткізді. Әскери ведомствоның құрылымдық бөлімшелерінің мамандары Тараз гарнизонындағы әскери бөлімдердің жеке құрамымен жүздесіп, қызмет барысы мен әлеуметтік қамтамасыз етуге қатысты өзекті мәселелерді ортаға салды.  Сапар аясында Жамбыл облыстық Қорғаныс істері жөніндегі департаментте Қарулы Күштердің ардагерлерімен арнайы кездесу ұйымдастырылды.