ӘСКЕРИ ҚЫЗМЕТ ЕРГЕ МІНДЕТ

Қазақстан Қарулы Күштерінде қызмет етіп, әскери өмірге деген көзқарасын толықтай өзгертуге, сондай-ақ өз мамандығына пайдалы тәжірибе жинауға қатардағы жауынгер Данил Фиц пен «Оңтүстік» өңірлік қолбасшылығының материалдық-техникалық қамтамасыз ету полкінің басқа да сарбаздары мүмкіндік алды. Бұл әскери бөлімнің қызмет ерекшелігі жастарға өздерінің техникалық мамандықтарын іс жүзінде қолдануға мүмкіндік берді. Данил Фиц Тараз гарнизонына сапары барысында Қазақстан Қарулы Күштері Бас штабының бастығынан жеке алғысқа ие болды.