МЕМЛЕКЕТТІК ӘЛЕУМЕТТІК САҚТАНДЫРУ ҚОРЫНАН ТАҒАЙЫНДАЛАТЫН ТӨЛЕМДЕРГЕ ЖҮГІНУ ТӘСІЛДЕРІ

Жұмыс істейтін халықтың мүдделерін қорғау мақсатында міндетті әлеуметтік сақтандырумен әлеуметтік тәуекелдер туындаған жағдайларда еңбекке қабілеттілігінен; асыраушысынан; жұмысынан айырылу; жүктілікке және босануға байланысты кірісінен айырылу; жаңа туған баланы асырап алуға байланысты кірісінен айырылу; бала бір жарым жасқа толғанға дейін күтіміне байланысты кірісінен айырылуы жағдайларына әлеуметтік төлемдер көзделген. Мемлекеттік әлеуметтік сақтандыру қорынан тағайындалатын әлеуметтік төлемдердің мөлшері әр қатысушыға жеке есептеледі және Қорға әлеуметтік аударымдардың уақтылы және толық төленуіне тікелей байланысты болады. Бұл тақырып жөнінде бүгін баспасөз алаңында жауапты маман мәлім етті.