«ҚАУІПСІЗ БАЛАЛЫҚ ШАҚ» АТТЫ ФОРУМ ӨТТІ

Кәмелетке толмағандар арасында қылмыс пен құқық бұзушылықтың алдын алу және болдырмау, жасөспірімдердің салауатты өмір салтын сақтау мақсатында Қауіпсіз балалық шақ атты форум өтті. Қоғамдағы қылмыс пен құқық бұзушылықтың алдын алу үшін арнайы мектеп оқушыларына арналған жарыста  ұлттық  спорт ойындары көрініс тапты. Айта кетсек жарысқа қатысушы тарап арқан тарту, қол күрес, асық ату, ләңгі тебу сияқты ұлттық құндылығы жоғары ойында бақтарын сынады. Жастардың басын қосқан жарыста жүзден жүйрік атанғандар жүлдеге ие болды. Айта кетсек,арқан тарту сайысында № 23 мектеп тобы бас жүлде иеленсе, екінші орынды Сұңқар тобы қанжығасына байлады,ал үздік үштікті Тұлпар тобы қорытындылады. Алдағы уақытта ұлттық спорт түрлерін насихаттайтын жарыстар көптеп ұйымдастырылмақ.